بنت اخويا

اخويا اتوفى هو ومراته في حادث وكان عنده بنت وبنت اخويا دي جابها اصلا بعد سنين من جوازه ،وبعد وفاته انا مفكتش غير وانا واخده بنت اخويا عندي تعيش معايا هي كانت في الجامعه ،والله كان كل همي تعيش مبسوطة واكمل رسالتي معاها عشان اخويا يبقى مرتاح في قبره، والحمد لله اتخطبت هي
خاطبها الصراحة كان مش مريح بس وافقنا عشان ده مجايب اخويا الكبيره وقال انه ثقه ،هو تمام ووافق على كل طلباتنا ونفذ

كل الاتفاقيات بس عايش دور سي السيد يحبها تقوله حاضر ونعم بدون نقاااش ،المهم انا على قد مقدرتي مع شغلي وجمعيات انا عملتها ربنا قدرني وجوزتها ذي ما جوزت بنتي الوحيده ،
ربنا كرمها وخلفت وجابت ولد والدنيا كانت تمام لغايه ما في يوم كلمتني انها عامله عيد ميلاد لجوزها وعازمة العيلة وقالتلي يا عمتي تعالى من بدري عندي وطبعا عزمت بنتي وجوزها ،بس جوز بنتي مقدرش يحضر ولما جت بنتي لاقيت بنت اخويا بتشد معاها في الكلام وبزعيق ازاي جوزها ميجيش العيد ميلاد وان ده مش تقدير ،حاولنا نفهمها انه مشغول وهي مصممه تزعق فخدت بنتي ونزلت ومن ساعتها مش بتكلمني بقالي تلات سنين لغايه ما اتفاجأت من اختي الكبيره بتقولي الحقي بنت اخوكي
يا ختي جيت اكلمها عشان تصالحك زعقت معايا وقالتلي ابدأ انا عمري ما حكلمها او حتى اتأسف ليها انا طبعا اتصدمت اكتر وحزنت اكتر وعارفه ان جوزها هو اللي مسيطر عليها بس زعلي من اختي انها جت تقولي انا يوميها تعبت جااامد وخصوصا ان اختي وهي بتقولي أادي اللي صرفتي عليها دم قلبك مطمرش فيها اللي عملتيه معاها ده انتي معملتيش مع بنتي ربع اللي عملتيه معاها ،انا لما حكيت لجوزي قالي متزعليش على خير عملتيه ابدا وربنا بكره حيراضيكي بس انا حزينه يا جماعه ومش عارفه اعدي كلام اختي قولولي اعمل ايه اتمنى  تقولولي اعمل ايه وتدعولي بالصبر
النهايه