انا سيبت خطيبتي قبل فرحنا

انا سيبت خطيبتي قبل فرحنا 
عندي ٣٩ سنه حبيت بنت واتخطبنا وانا٢٣ سنه وسيبتها وانا ٢٦ قبل الفرح بشهر بدون اي اسباب مقنعه غير ان جالي فرصه عمل لسنين وليها ظروفها اني هعيش لوحدي فقررت انهي الموضوع وادور علي مستقبلي واسافر واكمل بره البلد بدون نزول لسنوات حصل كلام كتير مفاده اني سيبت نص الشبكه لان والدتها ماديه جدا واصرت وانا خدت النص وسافرت وانا معايا نص شبكتها مع اخر رساله منها مكتوبه بخط اليد (( الهي

تشوفه في عرضك وما يبقاله دوا وتلف الارض عليا عشان اسامحك ومتلاقنيش وتقابله بذنبي )) 
كنت شاب صغير قطعت الورقه ونسيت بعد كام شهرالموضوع كله لان الدنيا لهتني وانا كنت محتاج للمال 
كنت ماشي وسايب اختين واخ الولد كبير والبنتين توأم في عمر صغير تقريبا كانو في الشهاده الابتدائيه ..
بعد١٣ سنه نزلت بجواب بيترجاني فيه ابويا وامي انزل 
لان اختي اتطلقت بعد كتب الكتاب وقبل الفرح بشهر فقط 
واختي دخلت مستشفي وجالها صډمه وبتتعالج وهم غير قادرين علي المصاريف وغير قادرين علي اتخاذ اي حق من طليق بنتهم واسترد الشبكه كامله واته..جم علي اهلي وخد كل حاجه تخصه ومتخصهوش منتهز اني مسافر واخويا بيدرس ومسافر دايما 
لحظه رجعت لورا وبدون وعي مني لقيت نفسي بقول ياااه ده انا نسيت وكان وقت صلاه المغرب لقيت امام المسجد بيقرء في الميكرفون  بعد ما خلصت كلمتي وما كان ربك نسيا
انا بكيت بكا مرير كأن الارض لفت بيا ودوخت من الرد المباشر  وبدور عليها في كل مكان عشان تسامحني لكن للاسف سافرت ومحدش عارف اتجوزت وسافرت فين واهلها نقلو من مكانهم وكأن السما كانت مفتوحه ودعوتها اتنفذت بحذافيرها
انا ندمت وتوبت وزعلت لما دوقت اللي عملته فيها بس قولولي اكفر ازاي عن الذنب اللي ملاحقني في كل مكان ده واتعامل مع اختي ازاي كل ما ابصلها بحس اني الجاني الوحيد وان طليقها كان مجرد سبب 
اياكم والظلم ياشباب فإن الظلم ظلمات ..

تمت