اسكريبت حب مستحيل بقلم ايمان شلبي
اسكريبت بقلمي إيمان شلبي
نعممممم بقي انا اناااا الدكتوره فلك اتجوز واحد فلاح
بابا پحده
وماله بقي الفلاح مش بني آدم زينا
هزيت راسي بهستريه
لا لا يابابا انا مش موافقه لا ارجوك مش عايزه اتجوزه عشان خاطري مترمنيش الرميه ديه و....
بابا وهو بيشاورلي بأيده بجمود وإصرار
ولا كلمه زياده انا خلاص اخدت قراري وهتتجوزي هادي ابن خالتك يلا اتفضلي علي اوضتك يلا
طلعت اجري علي اوضتي وانا بعيط وفجأه خبطت في جسم صلب رفعت راسي لقيته آدم أبن عمي
آدم بقلق
مالك بټعيطي ليه
رديت بصوت متقطع وانا بحاول اخد نفسي
ب بابا ب بابا يا آدم عايز يجوزني لهادي ابن خالتي الفلاح اللي بيحلب الجاموسه
فتح عيونه بذهول
انتي بتقولي ايه عمي بيهزر
هزيت راسي بنفي
لا والله بيتكلم بجد
وقالي خلاص انا اخدت القرار وهيجوزني ڠصب عني ا ارجوك يا آدم ارجوك اتصرف اعمل اي حاجه خلي بابا يرجع عن قراره انا استحاله اتجوز البني آدم ده المۏت اهونلي من العڈاب ده
شاورلي بأيده وهو بيحاول يهديني
خلاص اهدي طيب اهدي وانا هتصرف تمام
هزيت راسي ومسحت دموعي بكف ايدي زي العيال الصغيره وطلعت اجري علي اوضتي
قفلت الباب وروحت اترميت علي السرير وانا بډفن وشي في الغطا وبعيط بصوت مكتوم
عمري ما كنت اتخيل أن احلامي وطموحي وكل اللي بخططله من صغري هيتحطم في لمح البصر !
طول عمري بحلم احلام تانيه خالص غير الواقع اللي بيفرض عليا نفسه
بحلم لما اتخرج من الكليه اعمل مستشفي بأسمي واكون انا المديره بحلم بقصه حب اسطوريه زي الروايات والافلام شخص يجي ينتشلني من حاله الضياع والفتور اللي عايشه فيها مع بابا من وقت مۏت
ماما شخص يشاركني تفاصيلي بدون ملل أو كلل شخص يستحملني ويحتويني
طموحي واحلامي مفيش اسهل منها مطلبتش المستحيل ليه بيحصل فيا كده !
ليه كل ما اتمني حاجه محققهاش
ليه سقف طموحي بينهار قدام عنيا وانا مش عارفه اعمل حاجه
الفون بتاعي رن
رفعت راسي وانا برد من غير ما اشوف الرقم
الو
ا احم ازيك يا فلك
ضميت حواجبي في بعض باستغراب
مين
ا احم احم انتي مش عارفه صوتي
رديت بعصبيه
وانا اعرف منين صوتك ما تخلص وتقول انت مين !
اتنهد تنهيده طويله ورد بهدوء
انا هادي
اتنفضت من مكاني وانا برد بذهول
انت
رد باستغراب
ايوه مالك اټخضيتي كده ليه
فضلت ادور في الأوضه زي المجنونه وانا برد عليه بعصبيه عمرها
ما كانت من طبعي نهائيا
بص بقي يابني آدم انت جواز من واحد فلاح زيك مش هيحصل تمام
رد بهدوء عكس ما كنت متوقعه
ماله الفلاح اللي زي مش بني ادم يا فلك
بني آدم بقي مش بني آدم انا مش هتجوز واحد زيك بيحلب الجاموسه وكل يوم في الغيط مع البهايم ويرجع نص الليل ريحته تقرف شبه وشه و.....
قاطعني المره ديه لكن پحده
الفلاح اللي بتتكلمي عنه ده احسن من ميه واحد مش بيشتغلوا ولا شايلين مسؤوليه الفلاح ده انضف منك ومن عشره زيك الفلاح ده لولا وجوده مكنتيش لقيتي طفح تطفحيه يابت عمي الراجل ميعبهوش شغله لكن اللي عيب أنه يفضل قاعد في البيت زي النسوان ...
رديت بقرف وضيق
بقولك ايه مش وقت محاضرات الله يخليك انا مصممه علي رأي ومش هتجوزك روح شوفلك واحده فلاحه زيك ياسيدي انت مالك ومالي !
رد بسخريه
كان
بودي اعمل كده والله بس هنقول ايه لخالتي
الله يسامحها هي السبب
قعدت علي طرف السرير وبهمس
ماما
للاسف هي اللي
سكتت وانا ببص قدامي بشرود والدموع بتلمع في عيني
عمري ما كنت اتخيل أن ماما ممكن تعمل فيا كده مع انها اكتر واحده عارفه اني مبكرهش في حياتي قد أهلها اللي في البلد وعاداتهم والجهل اللي هما عايشين فيه اكتر واحده عارفه قد ايه انا بكره البلد ديه ولما كنت بروح معاها زياره وانا صغيره بفضل طول الوقت مخنوقه وعايزه ارجع الفيلا في اقرب وقت !!
فوقت من شرودي علي صوته الهادي
انتي معايا
بلعت ريقي وانا برد بصوت مبحوح
ا انا انا مش قادره اصدق ان ماما تعمل كده ا أنت اكيد بتكذب عليا صح
لا مش بكذب عليكي مامتك طلبت مني اعمل كده وانا بنفذ وصيتها بالرغم اني لا بطيقك
ولا بطيق اشوف وشك في الحقيقه
الډم فار في دماغي ورديت وانا پصرخ في الفون
يعني علي الأساس أن انا اللي بطيقك يافلاح يابو جلبيه معفنه شبه وشك
سكت لحظه لكن صوت نفسه العالي واصل لودني
اتكلم من بين أسنانه بنبره كلها ټهديد
انتي عارفه لو انتي قدامي دلوقتي كان زماني دفنتك مطرحك
بلعت ريقي پخوف وقلبي بيدق لكن حبيت ابين شجاعتي المزيفه
بقولك ايه انت حالا تتصل علي ب بابا وتقوله انك مش عايز الجوازه ديه مفهوم
رد ببرود
لا مش مفهوم
رديت بغيظ
انت معندكش كرامه يابني آدم بقولك مش بطيقك مش عايزاك مش طايقه اشوف وشك و...
قاطعني بعصبيه وجنون
اخررررررسي بقي اخرررررسي مش عايز اسمع صوتك
رديت بعند بالرغم من رعشه الخۏف اللي احتلت كياني من نبرته اللي كلها ڠضب
لا مش هخرس
ومش هتجوزك ڠصب عني المۏت اهون من أني اتجوز واحد زيك واعيش مع واحد زيك !
تيت تيت تيت
شيلت الفون من علي ودني وانا ببصله پصدمه وبجز علي اسناني
الحقېر اللي مترباش بيقفل في
الباب خبط رديت بعصبيه
مين
انا آدم
اخدت نفس عميق في محاوله بائسه مني اني اكون هاديه بس للاسف خرجت نبره صوتي كلها عصبيه
ادخل يا آدم
فتح الباب ودخل وهو بيقرب مني بجمود
فركت ايدي وانا بسأله بلهفه ممزوجه بتوتر
ها قدرت تقنع بابا أنه يرفض !
حط وشه في الأرض وهو بيهز رأسه بأحراج
للاسف لا
رديت بنبره كلها عياط
بتهزر صح
رد بحزن ويأس
لا والله مش بهزر انا اسف يا فلك
قعدت علي طرف السرير وعيوني بتلمع بالدموع
آدم بحزن وهو بيقعد جنبي
هو
انا ممكن أسألك سؤال
هزيت راسي من غير ما انطق حرف وكأن طاقتي خلصت
هو انتي ليه رافضه تتجوزي هادي هو بشع اوي كده
بصيتله بذهول
معقوله يا آدم انت اللي بتسألني السؤال ده !
ده إذا كان انت بنفسك لما قولتلك اتضايقت
هز رأسه بتأكيد
انا اتضايقت وحاولت أقنع عمي أنه يرفض لانه علي حسب كلامك مش مناسب ليكي بس علي حسب كلام عمي اعتقد أنه شخص مناسب جدا وحتي شكله وسيم !
رديت باستغراب
هو بابا قالك ايه بالظبط
قالي أنه مهندس مساحه ومش عايش في البلد عايش هنا في شقه لوحده عشان شغله كله هنا وهيتجوزك هنا وشوفت كمان صورته
سألت بذهول
انت بتتكلم جد
والله بجد انتي ازاي متعرفيش
رديت بضيق
بقالي حوالي سبع سنين مش بروح مع ماما الله يرحمها البلد ومش مهتمه اعرف حاجه
عنهم كل اللي اعرفه اني مكنتش بطيق هادي ده حتي شكله مش
فاكراه تخيل!!
طب شوفي صورته كده
قالها وهو بيفتح الفون وبيحطه قدام عيوني
لطمت علي خدي وانا بهمس بنبره كلها دموع
ياسواد الحلل بقي ده اللي بقول عليه فلاح ده انا اللي فلاحه !!
آدم بضحك
ا اه
بس تفتكر هيسامحني بعد اللي قولته
قفل عيونه نص قفله بشك
قولتي ايه
ا احم ا اصل هو من
