انت القرار السديد بقلم اسراء ابراهيم

بارت
بعد الفرح بأسبوع نزلت تحت لحماتها فقالت ازيك يا ماما
حماتها الحمد لله بعد كدا تنزلي بدري مش هنفضل مستنين جنابك للضهر
حنين باستغراب ضهر إيه الساعة لسه تسعة ويدوب روقت شقتي ونزلت يا حماتي
حماتها لأ بصي يا حبيبتي أنت هنا تعملي اللي أقولك عليه وماتجادليش العيشة اللي عيشتيها في بيت أبوك تختلف عننا كل بيت وله أسلوب حياة ماشي عليه
واحنا لينا أسلوب ماشيين عليه وجنابك تتبعي قوانين البيت دا
الساعة سبعة تنزلي عشان تجهزي الفطار لسلايفك عشان يلحقوا يروحوا شغلهم وبعدها تروقي الشقة هنا وتغسلي أي هدوم ولا مواعين
ومش هتطلعي شقتك غير بعد لما نتعشى وتغسلي المواعين وتروقي البيت فاهمه
حنين بضيق فاهمه يا حماتي
حماتها أهو كدا تبقي شاطره وتكسبيني كلمتي هى اللي ماشية في البيت هنا على فكرة والشورة شورتي
يعني لو نملة دخلت ولا خرجت ببقى عارفه لو أمك جاتلك ومعها حاجة تسيبها هنا ومافيش أكل تاخديه معك شقتك غير عيش وجبنة وحبايتين طماطم عشان لو جوزك حب ياكل بعدين
ومابنطبخش اللحمة غير مرة في الشهر أنت شايفة الحاجة غليت وكمان لسه بنسدد الديون اللي علينا بتاعت الفرح
حنين پصدمة اومال هنقضي باقي الشهر إيه يا حماتي ولا هنطبخ الطبيخ من غير لحمة ولا شوربة إزاي
حماتها زمان الناس كانت عايشة كدا وكانت صحتهم كويسة يعني مش هيجرالك حاجة لو ماكلتيش لحمة غير مرة واحدة في الشهر ياختي ولا هو إسراف وخلاص
وبعدين ما هنعوضه بالسمك كل أسبوع هنجيب كيلو سمك
حنين پصدمة كيلو بس دا احنا دلوقتي بقينا ست أشخاص في البيت هيكفونا إزاي
بقلم إسراء إبراهيم عبدالله
حماتها بعوجة بوق أنت هتجادليني يا بت ما أهو أنت مش هامك حاجة الفلوس مش بتتعبي فيها ولا قلقانة من حاجة هنقسم

السمك ياختي زي اللحمة نوايب يعني واللي يخلص نايبه يكمل رز وسلطة ولا عيش وسلطة
في ناس بتاكل العيش حاف احمدي ربنا إنك بتلاقي أكل زي دا وباقي الشهر هنطبخ عدس ولا ملوخية ونسلك ياختي
والفلوس بتبقى معايا أنا جوزك وأخواته مرتبهم في إيدي وبياخدوا فلوس مني على قد المواصلات بس
كانت حنين بتبصلها پصدمة معقولة هتعيش العيشة دي وتستحملها ماكنتش تعرف إن دا أسلوب حياتهم
لما كانوا بيجولنا ومعهم حاجات ماكنش يبان عليهم إنهم بخلاء كدا وكان ابنها بيجبلي هدايا اومال كان بيجيب الفلوس دي منين دا أنا وقعت مع ناس بخيلة جدا
ولا كان أيام الخطوبة بيذوقوا في الكلام والحاجات عشان يصطادوني أهو يا لؤمة
حماتها قومي يلا يا حنين اغسلي المواعين وجهزي الغدا وأنا يا ستي هروق الصالة عشان بس لسه عروسة مش هخلي الشغل كله عليكي من دلوقتي
حنين في سرها لا جيتي على نفسك أوي مش عارفه أودي تواضعك وطيبتك دي فين وبصتلها وقالت ماشي يا حماتي تسلمي
وراحت تغسل المواعين وحطت صابون ومايه وبدأت بالكوبايات الأول دخلت حماتها عندها وقالت پصدمة إيه دا
ياترى اتصدمت من إيه
أنت_القرار_السديد
بارت
إسراء_إبراهيم_عبدالله
بارت
كانت حنين بتغسل المواعين ودخلت حماتها عليها فقالت پصدمة دا كله صابون بتغسلي بيه
وجريت عليها وخدت منها علبة الصابون وخدت نصها وحنين بتبصلها پصدمة هو كمان البخل وصل للصابون
حنين دول شوية صابون وعليهم مايه وبعدين المواعين كتير وكمان الصابون اللي حطيته ماكنش هيكفي
حماتها بزعيق أنت تخربي البيت ولا إيه مش عايزه يكون حيلتنا حاجة لأ بصي يا حبيبتي إن كنتي بتعملي كدا عشان أقولك ماتعمليش حاجة وكدا فتبقي بتحلمي أصل قريبتي كانت مرات ابنها بتعمل كدا عشان تقعد لنفسها بس أنا غيرها يا حبيبتي
حنين
بضيق يا ماما أنت مكبرة الموضوع ليه وبعدين أنا مش في نيتي حاجة ومفيش حد بيعمل اللي بتعمليه دا الحمد لله الخير كتير بس حضرتك بتقرطيها علينا
حماتها بعصبية تعالي يا بت اديلي قلمين أحسن
سكتت حنين عشان شايفة إن الكلام معها مش هيجيب فايدة وهينقلب عليها بالغلط فقررت تسكت ولما تطلع شقتها تبقي تكلم جوزها في الموضوع دا
حماتها أنا بلمع المواعين بشوية صابون صغيرة مش علبة صابون وطلعت من المطبخ
وكملت حنين بضيق وبعد فترة خلصت وبدأت تحضر الحاجة اللي هتعملها للغدا
كان جوزها نزل من شقته سلم على والدته ودخل لحنين المطبخ لقاها مضايقة
فقال أمين بابتسامة الجميل مضايق ليه
حنين بيتهيألك مش زعلانة ولا حاجة
أمين قولي بجد مالك أمي قالتلك حاجة ضايقتك
حنين لما نطلع شقتنا هنتكلم
أمين اممم الموضوع باينله كبير ماشي خلاص اللي أنت عايزاه هطلع بقى أقعد معها
حنين ماشي
أمين عايزه مساعدة مني في أي حاجة
حنين في سرها عشان تبقى كملت بقى لما تشوفك بتعمل معايا حاجة
بصتله وقالت لا يا أمين هخلص كل حاجة لوحدي
بدأت حنين تطبخ ملوخية ورز بشوربة كانت حماتها مخزناها في الفريزر كانت بتستغرب إزاي ملاحظتش عليهم حاجة زي دي ولو كانت سألت جيرانهم عنهم أكيد مش هيعرفوا عيشتهم أصلهم مش عايشين معهم وبتفكر هل في الناس بالطريقة دي
وراحت تقشر بطاطس عشان تقليها وتعمل السلطة كانت الساعة 11 الضحى
بقلم إسراء إبراهيم عبدالله
وبعد ساعة هيجي واحد من سلايفها زي ما عرفت ولازم الأكل يكون جاهز
خلصت كل حاجة وراحت تعمل السلطة وكانت الساعة 12 
بعد نص ساعة وصل سلفها وطلبت حماتها منها تجيب الغدا عشان زمان سلفها التاني على وصول
جابت صينية ورصت عليها بعض الأطباق وطلعت وجابت عيش كمان عشان لو حد حب ياكل منه
حطت الصينية ودخلت المطبخ تاني لما حماتها قالت لها تعمل شاي دخل جوزها وقال اقعدي كدا عشان باين إنك تعبتي وهعمله أنا
حنين روح كل أنت بس وأنا هعمله وأجيبه وأطلع أصلي الضهر وأبقى أنزل أغسل الأطباق مكان الأكل
أمين والله أنا اللي هعمله وبعدين هناكل الأكل اللي فوق أنا كنت طلعت طبقين محشي من اللي باقيين من امبارح وحتتين لحمة وحطيتهم في التلاجة لغاية ما نبقى نطلع
حنين أمك لو عرفت باللي عملته دا هتطردك برا البيت وبعدين عايزه أتكلم معك في أسلوب حياتكم دا اللي ماكنتش أتوقعه بس لما نطلع نبقى نتكلم
أمين أنا نسيت أقولك وأفهمك بس صحيت لقيتك نزلتي قبل ما أفهمك اللي هتشوفيه وكنت ناسي إنك هتنزلي النهاردة أصلا
حنين صب الشاي ونبقى نتكلم فوق
خد الشاي وطلعه وبصتله والدته فقال حنين عملته وجبته لغاية ما تجيب السكر أصل لقت العلبة فاضية فبتحط فيها شوية
حماتها پصدمة يا نهار أبيض هتخلص السكر وراحت عالمطبخ بسرعة
يا ترى هيحصل إيه وإيه الموضوع بالظبط
أنت_القرار_السديد
بارت
إسراء_إبراهيم_عبدالله
بارت
حماتها پصدمة سيبي السكر من إيدك يا حنين
اتخضت حنين من صوتها وظهورها المفاجئ وكانت العلبة هتقع منها بس لحقتها على آخر لحظة
حنين بخو ف في إيه يا ماما أنا بحط شوية سكر عشان اللي في العلبة خلص
حماتها خدت منها السكر بقوة وقالت مش قولتلك تحاسبي عالحاجة وتمسكي إيدك شوية وبلاش إسراف
حنين في سرها أستغفر الله العظيم...امتى هخلص من الحوارات دي
فقالت معلش يا ماما نسيت أصل الواحد بردوا مش بيتعلم من أول مرة
دخل جوزها وقال يلا يا أمي يلا يا حنين اطلعي شوفي الغسيل اللي نشف انشريه وطلعي اللي في الغسالة
بصتله حنين وبصت لحماتها وبعدها طلعت على شقتها
وخد والدته ودخلوا الأوضة تاني
يكملوا أكل وبعدها
قال