انت منزلي بقلم بسملة احمد
_أوضة يوسف بيه تتنضف كويس مش عايزة ذرة تراب عايزاه يرجع بكرا يلاقي كل حاجة تمام مفهوم
مفهوم يا هانم
_يلا روحي شوفي شغلك وابعتيلي دادة فاطمة عشان اقولها ع الاكل اللي بيحبه يوسف
حاضر يا هانم
روحت المطبخ وقولت لدادة فاطمة ان مريم هانم عايزاها وطلعت لاوضة يوسف بيه عشان ابدأ انضفها... اسمي ملك عندي 20 سنة في كلية علوم..بابا ماټ وانا عندي 10 سنين وماما كانت بتشتغل عشان تجيب مصاريف دراستي لكن ماټت من شهرين واضطردت من البيت واتبهدلت واضطريت اشتغل عشان مصاريف دراستي...النهاردة تاني يوم ليا هنا في الشغل وكانت متبهدلة جدا وكل مكان فيها مليان تراب... اللي عرفته انه من يوم ما والدة يوسف بيه اټوفت وهو حزين وقرر يسافر يكمل دراسته برا بس مرجعش بقاله ٨ سنين ومن يوم ما بنت عمه وعايشة معاهم هي ووالدتها لكنها مسافرة مع اصحابها وراجعة بعد يومين وكتر خيرها وافقت تشغلني هنا.. بدأت انضف الأوضة واروقها وفتحت الشبابيك اللي بقالها سنين متفتحتش.. معرفش بقالي قد ايه بنضف الأوضة بس بصراحة اخدت وقت كبير خلصت ووقفت اتفرج وانا حاسة اني عملت انجاز كبير.. خرجت من الأوضة ونزلت تحت ومكنتش المطار ودخلت تنام.. دخلت اوضتي وخدت شاور وقعدت على السرير ونمت على طول...صحيت على صوت في المطبخ لأن اوضتي قريبة منه خرجت اشوف فيه ايه لاقيت
_ششششش اسكتي يخربيتك
هزيت راسي بمعنى تمام واول ما شال ايده ضړبته بركبتي في بطنه وصوتت وجريت مسكت
الفصل الثاني 2
ملك پصدمة انا كدة ضمنت اني مرفودة
يوسف حصل خير
اومال فين طنط
مريم ماما سافرت مع اصحابها الساحل تغير جو وجدو هيخلص شغله وهيرجع بكرا من لندن
مقولتش ليه انك جاي بدري كنا جينا
يوسف كنت حابب اخليها مفاجأة
ملك حمدلله على السلامه يا يوسف بيه
مريم بصت لملك بقرف وقالت انتي لسة واقفة هنا بتعملي ايه... اتفضلي روحي نامي
خرجت ملك وفضلت ټشتم نفسها على غبائها
يوسف انا هطلع اوضتي ارتاح شوية عشان جاي من السفر تعبان
مستناش ردها وطلع اوضته عشان ينام...تاني يوم صحي بدري ونزل يتمشي شوية في الشوارع...رجع البيت وسمع صوت حد بيغني جاي من المطبخ والصوت كان جميل لدرجة انه مشي ورا الصوت ودخل المطبخ لقى ملك اللي بتغني وهي مندجمة في الطبخ وقف يسمعها وهي بتغني لحد ما لفت فجأة وشافته.. اتخضت والطبق وقع من ايدها اتكسر
يوسف ايه يا بنتي شوفتي عفريت
ملك بتوتر لا بس حضرتك خضتني
يوسف انا اسف... صوتك حلو اوي على فكرة
ملك شكرا
يوسف العفو...ممكن تعمليلي قهوة مظبوطة
ملك بس حضرتك لسة مأكلتش حاجة وكدة غلط
ملك بأبتسامة تمام
قطع كلامهم صوت حد بيزعق برا خرج يوسف بسرعة يشوف فيه ايه كانت واحدة واقفة بتزعق لمريم واول ما شافت يوسف هديت شوية
مريم دي ماما يا يوسف رجعت لما عرفت انك هنا
منال بتكبر ازيك يا يوسف مقولتش ليه انك جاي
خرجت ملك من المطبخ وهي بتحاول تفهم ايه اللي بيحصل لكن اول ما شافتها منال اټصدمت وقالت بصوت واطي وهي مصډومة ليلي!!
الفصل الثالث 3
يوسف هطلع اخد شاور لحد ما الفطار يجهز
مريم تمام
منال بتوتر مين البنت دي يا مريم
مريم دي ملك بتشتغل هنا بقالها
منال طب أهلها مين ولا جاية منين دي
مريم بزهق هو تحقيق يا مامي معرفهاش زيها زي
اي حد بيشتغل هنا
مريم استنى يا مامي عايزة اتكلم معاكي شوية
منال عايزة فلوس
مريم لا انا عايزة اتكلم معاكي في موضوع يوسف
منال طب تعالي معايا نتكلم في اوضتي احسن
طلعوا أوضة
منال وقفلوا الباب.. قعدت مريم وهي بتقول انا عايزة اتجوز يوسف
منال هو فتح معاكي موضوع الجواز
مريم لا
منال طب لمحلك انه عايز يتجوزك
مريم لا
منال لما هو لا هتتجوزيه ازاي يا هبلة
مريم معرفش يا مامي معرفش... انا خاېفة يكون مبقاش يحبني زي الاول
منال طب انا هعملك ايه يعني
مريم بخبث يا مامي ده انتي اكتر واحدة نفسك اتجوز يوسف النهارده قبل بكرا كمان عشان
منال قصدك ايه يابت
مريم قصدي انك تفكري كدة وتشوفي حل للموضوع ده وجدو كدة كدة راجع بكرا بالكتير اوي
منال طب خلاص اطلعي برا وانا هتصرف في الموضوع ده
خرجت مريم وقفلت الباب وراها واول ما خرجت طلعت منال تليفونها واتصلت برقم
منال الو يا حسن... اسمعني كويس انا عايزاك في خدمة... عايزاك تروح تسأل في ملجئ عن بنت اسمها ملك كانت موجودة هناك من 20 سنة عايزاك تعرف حصلها ايه وتجبلي كل المعلومات عنها في أقرب وقت من غير ما حد يعرف... سلام
_________________عند ملك في المطبخ____________
كانت في المطبخ بتعمل كيكة وبحطها في الفرن... قعدت على الترابيزة وفتحت الكتاب وبدأت تذاكر لحد ما الكيكة تستوي....دخل يوسف المطبخ لقاها قاعدة وراح قعد جنبها
يوسف ايه الريحة الحلوة دي
ملك بعمل كيكة
يوسف ريحتها
ملك ماما الله يرحمها هي اللي علمتني اعملها ازاي
يوسف الله يرحمها... ااه بتعملي ايه
ملك بذاكر
يوسف بأندهاش ايه ده انتي بتدرسي.. في كلية ايه بقي
ملك انا في كلية علوم
يوسف بجد... ممكن أسألك سؤال
ملك اتفضل يا بيه
يوسف لا بلاش بيه دي مبحبهاش قوليلي يوسف بس لو سمحتي... هو انتي ايه اللي خلاك تشتغلي يعني
ملك كانت لسة هتجاوب لكن مريم دخلت فجأة وهي متعصبة وقالت ايه ده انتوا بتعملوا ايه..وانتي سايبة شغلك وقاعدة ترغي قومي يلا شوفي شغلك
يوسف انا بفهمك بس ان اللي عملتيه ده غلط مش اكتر
مريم وهي بتخرج بعصبية ماشي يا يوسف براحتك
يوسف بأحراج انا اسف على اللي حصل يا ملك هي مريم بس عصبية شوية
ملك بحزن ولا يهمك
خرج يوسف من المطبخ وملك قعدت تكمل مذاكرة
_عند منال_
الفصل الرابع 4
منال ها يا حسن عملت ايه
حسن عرفت من صاحبة الملجئ ان البنت في واحد اسمه محمد منصور اتبناها من هناك هو ومراته وهي عندها سنة و معايا عنوانهم دلوقتي وهروح اسأل عليهم
منال اوعي يكون حد شك فيك
حسن لا يا هانم متقلقيش كل حاجة تمام
منال تمام هبعتلك صورة للبنت وهستني منك باقي الاخبار.. سلام
_____________في الجنينة____________
ملك بضحك مش قادرة بجد هموووت... كمل بجد ايه اللي حصل بعد كدة
يوسف ولا حاجة بعد ما اكتشفنا اننا مش معانا فلوس وقفنا كلنا مرة واحدة وطلعنا نجري في الشارع وصاحب المطعم يجري ورانا.. بس طبعا بعدها جبناله فلوسه واعتذرنا منه والحمدلله عدت على خير
ملك انا كل ما اتخيل شكلك وانت
يوسف اضحكي ياختي اضحكي ما انا اللي استاهل
عشان بحكيلك
