رواية كاملة

العيب فيا.. روح ل مامتك يا ياسين بيه، واسألها عن التقرير الأصلي اللي لسه مخبياه في خزنتها عشان تذلك بيه لو فكرت تخرج عن طوعها!
ياسين م ركبش عربيته، هو طار ب الموتوسيكل بتاع الحرس ل حد الفيلا في الشيخ زايد. دخل القصر وهو ب يزعق ب صوت هز النجف الكريستال
ياااااا نيرة هانم! أنتي فين؟
نيرة أمه خرجت من أوضتها ب برودها المعتاد وب تظبط عقد الألماظ
إيه يا ياسين؟ م تربيتش إنك تدخل بيت أمك ب الأسلوب ده؟
ياسين قرب منها وبص في عينيها ب غل
سلمى خلفت يا أمي.. شفت ولادي النهاردة في المستشفى. ولادي اللي بقالهم ٥ سنين ب يشحتوا الحنان وإنتي قاعدة هنا ب تأكلي ب معلقة دهب. فين التقرير الحقيقي؟
نيرة وشها قلب ألوان، وحاولت تتمسك ب جبروتها إنت ب

تصدق كلام العقر دي؟ دي أكيد لقت حد يستر عليها وجاية تلبسهم فيك!
ياسين م استناش، كسر باب المكتب ودخل على الخزنة اللي هو عارف رقمها السري.. وب حركة واحدة طلع ملف أزرق كان مستخبي ورا سبائك الدهب. فتحه.. والورق كان ب يقول الحقيقة الصارخة ياسين المنشاوي سليم بنسبة ١٠٠٪ سلمى سليمة تماماً والتبويض ممتاز.
ياسين رمى الورق في وش أمه
انتهى يا نيرة هانم.. من اللحظة دي، م لكيش ابن اسمه ياسين. القصر ده ب اسمي، وإنتي قدامك ساعة واحدة تلمي فيها هدومك وتروحي الفيلا القديمة اللي في المنصورة.. تعيشي هناك لوحدك ب كدبك وغلّك. أنا ضيعت ٥ سنين من ريحة ولادي عشان خاطر برستيجك الكداب!
نيرة وقعت على الأرض ب تصرخ أنا عملت كدة عشان مصلحتك! كانت بيئة وم تليقش ب عيلتنا!
ياسين رد ب قرف إنتي اللي م تليقيش ب ولادي.
ياسين راح ل سلمى في الشقة الصغيرة اللي ساكنة فيها. وقف قدام الباب وهو شايل لعب كتيير وشنط هدايا، بس الأهم إنه كان شايل اعتذار ب عمره كله.
سلمى فتحت الباب وهي مستعدة تطرده، بس ياسين جثى على ركبه قدامها وقدام حمزة وعمر
أنا م جيتش أخدكم ب سلطة الفلوس.. أنا جيت أقولكم إني كنت غبي. أنا استرديت حقي من اللي ظلمنا، والنهاردة أنا ب أطلب منكم لجوء عاطفي.. سامحيني يا سلمى، وخليني أكون الأب اللي يستاهل يلمس الحظاظة الفضة دي.
حمزة الصغير النسخة منه قرب وطلع منديل ومسح دموع أبوه وقال ب براءة
ماما قالت إنك بطل.. والأبطال م ب يعيطوش.
ياسين حضنه ب قوة وصرخ من الفرحة، وسلمى لأول مرة من سنين، حست إن الحمل التقيل اللي على كتافها بدأ يزول.
ياسين رجع سلمى ل ذمته، بس المرة دي م عيشهاش في قصر نيرة، هو اشترى لها مزرعة ورد كبيرة زي ما كانت ب تحلم، وسماها مزرعة سلمى وعمر وحمزة. نيرة هانم عاشت وحيدة، وكل ما تشوف صور أحفادها في المجلات ب يكبروا، ب تعرف إن الدهب م ب يشتريش ضحكة طفل، وإن الظلم آخره دايماً خرابة.
ياسين المنشاوي بطل يلاحق الملايين، وبقى ب يلاحق عمر وحمزة في الجنينة، وعرف إن أكبر صفقة كسبها في حياته هي اللحظة اللي قرر فيها يصدق قلبه ويطرد الكدب من بيته.
العبرة م تظلمش حد وتفتكر إنك مستور، لانو ربنا ب يظهر الحق ولو بعد حين.. والضنا غالي، والأم اللي ب تصون عرضها وشرفها في عز الفقر، ب ترجع ملكة ب تدبير ربنا والحق م ب يضيعش.