رواية عوض العمر بقلم سهيلة السويفي
المحتويات
لحظة المرة الجاية الله اعلم بقا هتعمل ايه انا عالعموم بعت واحد لبيت عمتك عشان ياخد الزفت جمال دا واول ما يفوق انا هاخده بنفسي واوديه القسم عشان يعترف علي عمتك وكمان هرفع عليها قضية عشان تاخدي ورثك اللي عندها
سها بقلة حيلة اللي تشوفه يا حمزة
عند هند رجعت البيت لاقته مقلوب وفي ډم علي الارض اتطمنت وافتكرت ان الخطة نجحت وكلمت سمية في التليفون الو يا هانم خالص احب اقولك العملية نجحت وانا عاوزة فلوسي
سمية متقلقيش بكرة فلوسك هتبقي عندك بس اتأكد الاول
هند تتأكدي من ايه بقولك رجعت الشقة لاقيتها مقلوبة يعني اكيد الولا جمال نفذ الخطة بالحرف ورماها في اي داهية تاخدها
سمية خلاص خلاص فلوسك هتوصلك زي ما قولتلك وقفلت الخط في وشها
سمية بشړ في نفسها واحدة واحدة استني عليا يا عادل انت وابنك انا بدأت بالقطة الحلوة اللي ابنك بيحبها ولسة
تاني يوم
هند صحيت علي صوت رزع علي الباب حاضر حاضر جاية ايه هي الدنيا هتطير فتحت الباب لاقيت ظابط و عساكر
الظابط انتي هند حافظ علي
هند ايوا يا باشا انا هند
الظابط مطلوب القبض عليكي
هند ليه يا باشا انا معملتش حاجة
الظابط هتعرفي كل حاجة في القسم واخدوها ونزلوا وصلوا القسم
اول ما دخلت اتفأجات بسها وحمزة وجمال كمان معاهم
الظابط انتي متهمة يا أستاذة هند بخطڤ الانسة سها ومحاولة الاعتداء عليها بمساعدة المدعو جمال ايه أقوالك
هند بخبث دا ظلم وافتراء يا باشا محصلش انا بقالي مدة اصلا ماشوفتهاش من ساعة ما طردتها وبعدين مين جمال دا انا معرفهوش
الظابط ايه رايك يا جمال في الكلام دا
جمال محصلش دي كدابة وحكاله علي كل حاجة وطلعله تسجيل هو كان مسجلهولها لحسن تغدر بيه
الظابط اظن بعد التسجيل دا معندكيش كلام تقوليه يا هند
هند بخبث ودموع تماسيح لا يا باشا انا معملتش كدا من نفسي في واحدة حتي معرفش اسمها هي اللي طلبتني وقالتلي انها عايزة تخلص من سها باي طريقة عشان واقفالها زي اللقمة في الزور ضحكت عليا يا باشا
الظابط واحدة مين دي وياتري ايه اللي خلاكي تسمعي كلامها وانتي متعرفيهاش
هند ضحكت عليا يا باشا انا ماليش ذنب
الظابط تحبس المتهمة ٤ ايام علي ذمة التحقيق لحد ما تتعرضي علي النيابة بكرة بعد ما الظابط خرج وجيه واحد عشان ياخد هند علي الحجز
سها ليه ليه يا عمتي هو انا كنت عملتلك ايه عشان كنتي عاوزة تعملي فيا كل دا
هند بغيظ يا بجاحتك ولسة بتسألي نسيتي امك عملت فيا ايه بعد ما اتجوزت اخويا وانا يدوب ١ سنة خليته يعاملني معاملة زي الزفت وكنت زي الخدامة عندكوا وكانت بتطفش كل العرسان اللي بيجولي
عشان افضل اخدمها كمان كانت السبب اني اقاطع اخويا الوحيد سنين وكانت بتخليه يضربني علي اقل غلطة دا انا مرة غلطت وحطيت ملح زيادة في الأكل سخنت السکينة پالنار وحرقتني بيها صحيح انتي مالكيش ذنب ومطلعتيش زيها بس انا كان لازم انتقم منها فيكي انا شوفت كتير ولازم حد يدفع التمن هي ماټت قبل ما انتقم منها ملقيتش قدامي غيرك انا بكرهك وبكرها
حمزة بحنية وشد سها من ايدها يالا يا سها من هنا يالا بينا نمشي واللي غلط هياخد عقابه وراحوا ركبوا العربية
سها كانت مڼهارة وبتعيط انا ذنبي ايه انا معملتش حاجة والله انا معملتش حاجة لحد يارب الحمدلله علي كل حاجة انا مش معترضة بس انا تعبت والله تعبت يارب خدني عندك يمكن ارتاح
حمزة ووقف العربية بعد الشړ عليكي يا سها انتي عايزة تسيبني بعد ما اتعلقت بيكي وحبيتك انا عايز اقولك ان ربنا اكيد لي حكمة من كل دا استهدي بالله وان شاءالله كل حاجة هتتحل ومټخافيش انا معاكي ومش هسيبك وبعدين ربنا بيحبك اوي كفاية ان انا في حياتك اصلا
سها ضحكت في وسط عياطها انت بتهزر يا حمزة
حمزة لازم اهزر وقولتلك مية مرة اضحكي الضحك لايق عليكي ارمي اي حاجة وحشة ورا ضهرك ويالا يا ست هانم هنروح الشركة
سها ربنا يخليك ليا يا حمزة انا بحبك اوي
حمزة اوووه هنا سأسكت قليلا ينفع تقوليها تاني عشان مسمعتش
سها لا هي مرة واحدة بس يالا عشان منتاخرش علي الشغل
حمزة حاضر يا ستي بس برضه مش هسيبك الا لما تقوليها تاني
سها بعينك
وصلوا علي الشركة اول ما رنا شافت سها داخلة مع حمزة اټصدمت ورنت علي سمية
رنا امال ايه حضرتك انتي قولتيلي ان موضوع سها خلص امال ايه اللي جايبها الشركة وداخلة مع حمزة كمان
سمية انتي بتقولي ايه انتي شاربة حاجة انا متأكدة من كلامي
رنا طب استني وبعتتلها صورة لسها وهي قاعدة علي مكتبها صدقتي بقا
سمية بعصبية اقفلي دلوقتي حالا ورنت علي هند كذا مرة بس موبايلها كان مقفول وقالت في نفسها وبعدين بقا في المصېبة دي ازاي قدرت ترجع الشركة تاني انا لازم افهم بالظبط ايه اللي حصل
عند عادل كان في مكتبه
موظف من الموظفين واسمه احمد وعادل بيعتبره دراعه اليمين اتفضل حضرتك انا جبتلك كل المعلومات اللي عاوزها عن مدام سمية من ساعة ما سافرت لغاية ما رجعت
عادل شكرا يا احمد اتفضل انت وياريت محدش يعرف حاجة عن الموضوع دا
عادل اول ما فتح الملف شاف حاجة خليته ېتصدم ومكنش مصدق نفسه
عادل اول ما فتح الملف شاف حاجة خليته ېتصدم وقال في نفسه معقول انا كنت مغفل للدرجة دي يعني خانتني زمان ودلوقتي اعرف انها بتاجر في الممنوعات والسلاح ومطلوبة في كذا دولة انا لازم أبلغ عنها قبل ما تفكر تأذيني او ټأذي ابني الوحيد
عند رنا وسمية كانوا قاعدين سوا
سمية انا ناوية اغير الخطة اللي احنا متفقين عليها
رنا تغيريها ازاي يعني مش فاهمة
سمية يعني انتي مش هتتجوزي حمزة انتي هتعملي حاجة تانية
رنا نعم حضرتك بتقولي ايه دا مكنش اتفاقنا
سمية من غير كلام كتير اللي بقوله يتنفذ
رنا ويا تري ايه المطلوب المرة دي
سمية شايفة الكيس دا
رنا ايوا ماله
سمية هتحطيله منه مع اي كوباية شاي أو قهوة يشربها وهجبلك غيره كتير
رنا في ايه الكيس دا
سمية مش شغلك انتي بقيتي بتسألي كتير ودا غلط عشانك
رنا پخوف لا انا مقصدش انا بس عايزة افهم
سمية قولتلك دا مش شغلك اللي بقوله يتنفذ وسابتها ومشيت
رنا في نفسها انا اللي خلاني اعمل كدا في نفسي استرها معايا يارب انا غلبانة
في الشركة
حمزة اعملي قهوة يا عم سيد
عم سيد حاضر يا باشا
راح عم سيد يعمل القهوة وكان رايح بيها لحمزة
رنا ممكن تعملي قهوة يا عم سيد لو سمحت
عم سيد حاضر يا بنتي اروح اودي القهوة دي لحمزة بيه واجي اعملك القهوة بتاعت حضرتك
رنا لا لا سيب القهوة بتاعت حمزة بيه أنا هوديهاله واعمل انت القهوة بتاعتي
سيد تسلمي يا بنتي خدي
رنا اخدت فنجان القهوة وحطت الكيس فيها بالصدفة سها شافتها وهي بتحط الكيس فيها واستغربت في الأول افتكرت ان القهوة دي بتاعتها وهي اللي هتشربها بعدين لاقيتها بتدخل القهوة لحمزة استنتها تطلع ودخلته بسرعة
حمزة مالك يا سها وشك مخطۏف ليه
سها اخدت فنجان القهوة من قدامه اوعي تشرب من القهوة دي
حمزة باستغراب ليه في ايه مالها القهوة
سها انا شوفت رنا وهي جايبهالك علي هنا وطلعت كيس من شنطتها وحطته في القهوة فأنا خۏفت عليك اوي وقولت اجي احذرك لحسن تكون حاجة وحشة انا اصلا مش بستريح لرنا دي ابدا
حمزة خۏفتي عليا اوي يعني
سها يعني كل اللي انا قولته دا انت مركزتش غير في دي
حمزة ردي عليا خۏفتي عليا ليه
سها هو انا ليا غيرك اخاڤ عليه يا حمزة انت وماما انا اموت عشانكوا
حمزة عد الشړ عليكي يا حبيبتي ربنا يخليكي ليا
سها ابتسمت طب والقهوة هنعرف اللي فيها ازاي
حمزة انا عندي فكرة وكلم واحد صاحبه في التليفون دكتور تحاليل وقاله انه هيجيله دلوقتي
سها انا جاية معاك
حمزة طب يالا بينا
خرج هو وسها وكان معاهم فنجان القهوة ورنا شافتهم
رنا هو حضرتك مش هتشرب القهوة
حمزة هشربها بس رايح
رنا تمام مش عاوز اي مساعدة
سها لا انا معاه ومعتقدش هيحتاج حد تاني
رنا بغيظ منها تمام
ركبوا العربية وراحوا علي معمل التحاليل
حمزة انا عاوزك تحللي القهوة دي وتشوفلي لو فيها اي حاجة غريبة
الدكتور صاحبه تمام يا حمزة نص ساعة وارجعلك
حمزة تمام
وهما واقفين في المعمل سها شافت دكتور كان بيدرسلها في الجامعة وجيه عشان يسلم عليها
الدكتور خالد
ازيك يا سها اخبارك ايه
سها تمام يا دكتور ازي حضرتك معقول حضرتك لسة فاكرني حضرتك انتقلت لجامعة تانية وانا لسة في سنة تانية
الدكتور خالد في ناس مش بنقدر ننساها حتي لو مرت سنين
سها متشكرة اوي يا دكتور فرحانة اني شوفت حضرتك وبصت علي حمزة ولاحظت انه كان مولع ومضايق اوي
حمزة ايه يا سها مش تعرفينا
سها اه دا يبقي دكتور خالد كان بيدرسلي في الجامعة ودا يبقي حمزة مديري في الشغل
حمزة وخطيبها كمان وسلم عليه وضغط علي ايده جامد
الدكتور خالد اه اهلا بحضرتك تشرفنا فرحان اني شوفتك يا سها ياريت تتكرر تاني وسابهم ومشي علطول
حمزة ايه بقا النظام
سها بابتسامة نظام ايه
حمزة هتستهبلي ولا ايه
سها يعني واحد جاي يسلم عليا اودي وشي الناحية التانية يعني
حمزة اه انا مرضتش اعمل مشكلة عشان احنا في معمل تحاليل وفي مرضي بس لو اتكررت تاني هقطعله ايده هو او اي حد يفكر يقرب منك فاهمة
سها خلاص يا حمزة اهدي
حمزة انا هادي علي فكرة شايفاني بقطع في هدومي
سها بضحك باين باين
حمزة متضحكيش
سها حاضر حاضر
بعد شوية خرج الدكتور وقال لحمزة وسها العينة طلع فيها ممنوعات
حمزة پصدمة انت متأكد
الدكتور طبعا متأكد
حمزة وهو مصډوم متشكر جدا يا دكتور مش عارف اقولك ايه
الدكتور ولا يهمك يا
حمزة بعد اذنك عشان ورايا شغل
حمزة اتفضل
سها بقلق وخوف هتعمل ايه دلوقتي يا حمزة انت لازم تمشيها انا مش مستغنية عنك شوفت كانت عاوزة تعمل فيك ايه انا لو شوفتها قدامي دلوقتي هدفنها مكانها
حمزة مسك ايديها مټخافيش عليا يا حبيبتي اهدي انا اكيد هطردها بس مش قبل اما افهم هي عملت كدا ليه
سها طب وهتعرف ازاي
حمزة هقولك ..
سها نعم يا اخويا لا طبعا
حمزة اهدي بس وافهميني انا معنديش غير الحل دا
سها ربنا يستر
في الشركة
رجع حمزة وهو متعصب وبيقول بصوت عالي انا زهقت دي مبقتش طريقة
سها دخلت وراه انا اللي اتخنقت منك ومن تصرفاتك دي
حمزة وهو بيبصلها بغيظ انتي كمان بتعلي صوتك عليا امشي من قدامي دلوقتي احسن لك
سها انا اللي عاوزة امشي وكمان مش عاوزة اشوفك اصلا ومشيت وسابته راحت علي مكتبها وهو راح علي مكتبه
بعدها دخلتله رنا
حمزة فيه حاجة يا رنا
رنا لا ابدا انا شوفتك داخل متعصب قولت اتطمن عليك
حمزة متشكر يا رنا جدا مش عارف اقولك ايه
رنا متقولش حاجة بس هو ايه اللي حصل
حمزة مش عايز ادوشك معايا انتي وراكي شغل كتير
رنا لا ياسيدي ولا يهمك قول
حمزة سها اوقات تبقي كويسة واوقات تدخل في كل حاجة في حياتي حاشرة مناخيرها في كل حاجة وانا اتخنقت
رنا بخبث انا مش مرتاحلها اصلا من الاول وحاساها داخلة علي طمع عرفت تخليك تحبها بخبثها ولؤمها
حمزة تفتكري كدا يعني هي محبتنيش وعملت كدا عشان الفلوس
رنا طبعا انت لسة هتسأل
حمزة متشكر اوي ليكي يا رنا بس دي مش هترضي تخلع مني لو قولتلها تبعد عني دي علي رايك ما صدقت واحد زيي يبصلها
رنا انت عايز تخلص منها
حمزة عندك حل
رنا عارف رامي بتاع العلاقات العامة
حمزة ماله
رنا انا بلاحظ انه بيبصلها وشكلها كدا عاجباه انا ممكن اكلمه واهو غني جدا ومن عيلة غنية اه مش زي حضرتك بس ممكن يزغلل عنيها ويخليها تبعد عنك
حمزة رامي بقا كدا لا بس انا مش عايز اتعبك انا هتصرف
رنا براحتك
حمزة بقولك فاضية انهاردة بليل نتعشي سوا او نشرب حاجة
رنا ياريت يا حمزة قصدي يا استاذ
حمزة لا من غير استاذ اجهزي
رنا بفرحة اوك موافقة
سها كانت باصة من بعيد بغيظ وهي غيرانة لدرجة انها قعدت ټعيط ولامت حاجتها وقامت عشان تروح وحمزة كمان كان مروح وحتي مبصش ناحيتها وهي مروحة بعدين ركبت تاكسي وروحت علي البيت اول ما دخلت لاقيت..
روحت علي البيت اول ما دخلت لاقيت حمزة قاعد هو وزينب
سها ازيك يا ماما عاملة ايه
زينب بخير يا بنتي تعالي اقعدي مع حمزة وانا هروح اجهز الغدا
سها متتعبيش نفسك يا ماما انا هروح احضر الاكل
زينب طيب يا بنتي ارتاحي شوية انتي لسة راجعة
سها لا ولا يهمك يا ماما وسابتهم ومبصتش علي حمزة خالص
حمزة ممكن اروح الحمام يا ماما
زينب بابتسامة روح يا بني
حمزة راح علي المطبخ
حمزة هو انتي مخصماني ولا ايه
سها بصلته ومردتش
حمزة ياااه للدرجة دي زعلانة ليه هو انا عملت ايه لكل دا
سها انت هتستعبط انت مشوفتش انت عملت ايه
حمزة لا قوليلي انتي بقا
سها بزعل اول ما رجعنا من المعمل زعقتلي جامد اوي وبعدين قعدت تهزر وتضحك مع رنا دي ولا كأنك شايفني حتي واحنا مروحين مبصتش عليا تطمن انا روحت ولا لا
حمزة بحنية طيب ممكن تهدي ومتبصليش بعينيكي الحلوة دي وټعيطي
سها ببرائة زي الأطفال لا هعيط ملكش دعوة بيا
حمزة والله ما اقدر استحمل اشوف دموعك دي وبعدين احنا مش متفقين علي كل حاجة ايه بقا اللي حصل
سها معرفش انا مستحملتش اشوفك وانت بتضحك بالشكل دا معاها حتي لو متفقين
حمزة ضحك دي غيرة بقا
سها رفعت معلقة كانت في ايدها عليه انت تحترم نفسك حتي لو بتمثل ومتضحكش ولا تهزر معاها مش كفاية انك هتخرج معاها لوحدكوا انا مش عارفة ايه اللي خلاني أوافق علي كدا
حمزة قولتلك لازم انفذ الخطة دي عشان اعرف هي ليه عملت كدا وبعدين انتي عايزة تقتليني بالملعقة دي ولا ايه
سها اه لو عملت كدا تاني وامشي دلوقتي من وشي
حمزة طيب اسيبك بقا شكلك مچنونة دلوقتي وطلع يجري
بليل
كانت سها بتجهز عشان اتفق معاها انه بعد ما يخلص مع رنا هياخدها ويخرجوا لبست فستان ازرق وطرحة بيضا وشوز بيضا وحطت ميك اب خفيف وكانت حلوة اوي
زينب الله اكبر عليكي يا بنتي ربنا يحفظك
سها بجد شكلي حلو يا ماما
زينب قمر يا بنتي يا بخت اللي في بالي
سها متكسفنيش بقا يا ماما
وبعدين الجرس رن
سها انا هروح افتح اول ما فتحت لاقيته حمزة اول ما شافها تنح ومكنش عاوز يشيل عينه من عليها
سها هتفضل متنح كتير كدا وبعدين انت جاي ليه دلوقتي خلصت مع الست رنا دي
حمزة لسة اديني رايح دلوقتي بس جيت لزوزو عشان تدعيلي دعوتين حلوين واطمن علي القمر بتاعي عامل ايه
سها ابتسمت وهي مكسوفة ربنا معاك يا حمزة
حمزة يااااااه احلي حمزة سمعتها دا انا كدا هاقعد مش همشي بلا رنا بلا قرف
سها ضحكت لا روح وابقي طمني عليك
حمزة حاضر يا ستي ونده علي زينب
زينب ايوا يا حبيبي انا جيت اهو عايز حاجة
حمزة اه دعوتين حلوين كدا عشان ربنا يوفقني
زينب ربنا يوفقك ويكرمك ويوقفلك ولاد الحلال ويبعد عنك اي حاجة وحشة
حمزة امين يارب وباس ايدها كدا ان شاء الله ربنا هيوفقني
زينب يارب يا حبيبي
في المطعم
رنا وصلت وكانت لابسة فستان اسود ضيق اوي وقصير شوية
وفاردة شعرها
حمزة ايه القمر دا بس
رنا ميرسي يا حمزة المكان هنا تحفة بس هو ليه مفيش حد
حمزة عشان نكون علي راحتنا وكدا
رنا اه تمام بقولك ايه انا جعانة اوي
حمزة حالا ونده الجرسون وطلبوا العشا وبعدين الجرسون وجابلهم عصير وحط في كوباية رنا حبوب اتفق عليها هو وحمزة اول ما رنا شربته ابتدت تدوخ وتهلوس وتضحك بصوت عالي
حمزة انتي كويسة يا رنا
رنا انا زي الفل انت عامل ايه يا قمر انت
حمزة انا الحمدلله كويس قوليلي القهوة كان فيها ايه
رنا معرفش هي قالتلي احطلك الكيس في القهوة وانا حطيته
حمزة هي مين دي اللي قالتلك
رنا يابني انت حمار ولا فاهم حاجة والله هقولك سمية هي
متابعة القراءة
