رواية عوض العمر بقلم سهيلة السويفي
المحتويات
ورق يوديني في داهية قبل ما تسافر وانا بيني وبينك افتكرتها مش راجعة بس رجعت وكمان لما عرفت اني بشتغل عندك خربت الدنيا وكانت بتخليني اجبلها كل المعلومات عنكوا وانا مش عارفة ليه هي كاراهكوا كدا بس مضطرة اسمع كلامها لحسن توديني في داهية دا احنا حتي كنا متفقين انها تخليني اتجوزك واخد فلوسك زي ماهي عملت مع ابويا بس منفعش بسبب سها زفت دي اللي ظهرت فجأة ولما حاولنا نخلص منها معرفناش
حمزة حاولتوا تخلصوا منها ازاي
رنا انت غلبان ولا عارف حاجة
ماهي سمية اللي كلمت عمة الزفتة واتفقت معاها انها تجوزها كدا وكدا يعني وبعدين ترميها في اي داهية وهتبقي تدي لعمتها فلوس كتير بس انا مكنتش موافقة انا بنت زيها برضه بس كنت هعمل ايه حكم القوي عالضعيف يا اخويا
حمزة يا ولاد ال طب ليه اذتكوا في ايه الغلبانة دي عشان تعملوا معاها كدا
رنا هي سمية عايزة تأذيك بأي طريقة ولما لقيتك ابتديت تحب سها كانت عايزة تحرمك منها وخلي بالك هي اه فشلت مرة بس المرة الجاية هتاخد بالها انا نفسي مش عارفة هي بتعمل كدا ليه وليه عايزة تأذيكوا بس ابقي اسأل ابوك السر كله عنده
وبعدين اغمي عليها حمزة اخدها وروحها علي بيتها عشان متحسش بأي حاجة حصلت وكلم سها وقالها انه عايزها ضروري وفعلا نزلت بسرعة وقابلته
سها ها يا حمزة ايه الاخبار رنا قالتلك ايه الخطة نجحت يعني ولا ايه قول بقا انت ساكت كدا ليه
حمزة
سها انت بتقول ايه يا حمزة
حمزة انا من فترة وانا حاسس ان احنا منفعش مع بعض وكنت متردد اقولك عشان مجرحش مشاعرك بس انا بجد مش قادر ومش هلاقي فرصة احسن من دي عشان افاتحك في الموضوع دا رنا قالتلي انها بتحبني وانا كنت بدأت اتشدلها لحد ما ظهرتي في حياتي عشان كدا هي حست بالغيرة وكانت عايزة ټنتقم مني عشان كدا حطيتلي الممنوعات وانا بصراحة سامحتها وقولت اديها فرصة تانية
سها انت بتهزر صح قول انك بتهزر بطل هزار لو سمحت
حمزة للاسف انا حاولت مع نفسي ومقدرتش وانتي تستاهلي واحد يحبك لكن الواحد دا مش انا كمان عشان الفرق الاجتماعي بينا كبير
سها انت اكيد بتهزر انا متأكدة متخافش عليا يا حمزة انا هكون كويسة ومحدش هيقدر يأذيني طول ما احنا مع بعض
حمزة اتعصب وزعق فيها جامد انتي مبتفهميش بقولك مش طايقك افهمي بقا انتي واحدة من الشارع لا ليها اهل ولا اصل مش عشان عاملتك كويس وقولتلك كلمتين حلوين هتسوقي فيها انا كنت بتسلي مش اكتر إنما لما احب واتجوز وهتجوز واحدة من مستوايا
سها اټصدمت من كلامه جامد وفضلت ساكتة ومردتش عليه طول الطريق لحد ما وصلوا البيت نزلت جري من العربية وطلعت عند زينب
زينب مالك يا بنتي ايه اللي حصل
سها حضنتها ومردتش وقعدت ټعيط كتير اوي وفضلت في حضنها لحد ما نامت من كتر العياط
عند حمزة بقلمي سهيلة السويفي
رجع البيت وهو مضايق بسبب اللي قاله لسها وجرحها بكلامه بس هو كان مضطر عشان خاېف سمية تحاول تاذيها تاني وهو مش هيستحمل
عادل مالك يا بني فيه ايه
حمزة وهو مڼهار حكاله كل اللي حصل لحد ما ساب سها
عادل انت غلطان يا بني انت جرحتها فعلا ودا مش مبرر لخۏفك عليها بالعكس وانتوا مع بعض هتكونوا اقوي ومفيش حاجة تقدر تفرقكوا لازم تصالحها يا بني البنت دي غلبانة ومش هتستحمل اول ما يصبح الصبح تروح جري وتصالحها فاهم ومتضيعهاش من ايدك
حمزة عندك حق يا بابا طب وهنعمل ايه مع سمية دي انا خاېف عليك وعليها
عادل متقلقش انا بلغت لواء صاحبي وفهمته علي كل حاجة وهو مكلف رجالته يراقبوها
حمزة طب هي مين دي وبتعمل كدا ليه معانا
عادل بارتباك دي كانت شريكتي زمان وباعتني لأكبر منافس ليا ساعتها طردتها ومشوفتهاش تاني لحد ما سمعت عنها تاني الفترة دي
حمزة بشك متأكد يا حاج لو في حاجة تانية متخبيش عليا
عادل واتعصب جامد لا قولتلك مفيش حاجة تاني انت هتحقق معايا ولا
حمزة انا اسف يا حاج
عادل محصلش حاجة وسابه ومشي
حمزة في نفسه اكيد فيه حاجة مخبيها وانا لازم اعرفها وبعدين كلم واحد صاحبه ظابط وقاله انه عايز كل المعلومات عن سمية دي في أقرب فرصة
الظابط حاضر يا حمزة انا هجبلك كل حاجة انت عايزها متقلقش
حمزة تمام مستنيك
وقعد يرن علي سها كتير اوي بس هي مردتش عليه
تاني يوم حمزة صحي الصبح وكانت الساعة ١ ونزل راح لزينب واخد ورد وشوكلاتة معاه خبط علي الباب فتحتله زينب
حمزة ازيك يا ماما سها جوا
زينب لا يا بني انا صحيت من النوم من شوية ملقيتهاش هي مش في الشركة
حمزة بقلق وخوف لا مجتش الشركة هتكون فين يعني
زينب يالهوي البت راحت فين
دخلوا هما الاتنين اوضتها لقوا الدولاب فاضي وفي ورقة علي السرير فتحها حمزة كان مكتوب فيها
انا اسفة يا ماما اني سبت البيت من غير ما اقولك بس ڠصب عني انا حبيتك اوي زي والدتي الله يرحمها انا فعلا اعتبرتكوا اهلي بس واضح اني كنت غلطانة وحلمت حلم مش من حقي انا اسفة لو سببتلكوا اي مشاكل بس مكنش قصدي سلميلي علي حمزة وقوليله انه عنده حق في كل كلمة قالها انا منفعلهوش انا فعلا من الشارع ومش من مستواه انا بس نسيت نفسي انا اسفة مع السلامة يا ماما هتوحشيني اوي
زينب بعد ما قرت الرسالة قعدت ټعيط وخاڤت عليها رجعلي بنتي يا حمزة البت ملهاش حد هتروح فين بس
حمزة وكان مصډوم وحاسس بالذنب انا هدور في كل حتة هقلب البلد كلها عليها لحد ما الاقيها انا اللي ضيعتها وانا اللي هجبها
زينب ربنا معاك يا بني ويوفقك
عند سها
بعد ما نزلت من البيت كانت بټعيط ومش عارفة هتروح فين افتكرت منة صاحبتها اخت هشام ابن عم حمزة كلمتها في التليفون وردت عليها
سها منة ازيك عاملة ايه انا سها
منة وافتكرتها علطول سها حبيبتي وحشتيني اوي انتي فين وعاملة ايه
سها انا كويسة يا منة بس هو انا ممكن اشوفك دلوقتي
منة تمام يا حبيبتي انا هبعتلك لوكيشن وتجيلي عليه اتفقنا
سها شكرا جدا يا منة
منة العفو يا حبيبي علي ايه
بعتتلها اللوكيشن وسها وقفت تاكسي وراحت علي نفس المكان
اول ما وصلت لاقت منة مستنياها اول ما شافتها حضنتها جامد
منة وحشتيني اوي يا سها كل دا ما اشوفكيش
سها وانتي كمان والله وحشتيني اوي
منة بس ايه الحلاوة دي احكيلي عمتك العقربة عاملة ايه احكيلي كل حاجة عنك
سها حاضر هحكيلك كل حاجة وقالتلها كل اللي حصل معاها لحد ما سابت بيت زينب
منة اخدتها في حضنها وقعدت تطبطب عليها يااااه كل دا حصلك يا سها انتي اتبهدلتي اوي يا حبيبتي
سها الحمدلله قدري كدا المهم انا عاوزاكي تشوفيلي مكان اقعد فيه كام يوم لحد ما اسافر
منة تسافري تسافري فين
سها هسافر اسكندرية عند أهل مامتي الله يرحمها احنا عندنا بيت هناك هقعد فيه وانقل دراستي وجامعتي هناك بس هحتاجك تساعديني في الورق وكدا ممكن يا منة
منة حبيبتي انا اعملك كل اللي انتي عاوزاه بس انتي متأكدة من قرارك دا
سها عاوزة ابعد عنه وانساه يا منة خليه يرتاح ومايبقاش شايل همي وربنا يوفقه ويقابل واحدة من نفس مستواه الاجتماعي ويحبها وربنا يكرمه بقا انا حبيته واللي بيحب حد بيتمناله الخير
منة سيبك من دا كله ان شاءالله ربنا هيحلها من عنده انتي كنتي وحشاني اوي وما صدقت لاقيتك انتي هتفضلي معايا هنا لحد ما نشوف قرارك النهائي
سها مش
عاوزة اتقل عليكي يا منة
منة تتقلي علينا ايه البيت كبير اوي ومفيش غيري انا وهشام علطول برة البيت وبابا مسافر في شغل يعني مفيش غيري انا وانتي بس
سها صحيح يا منة مش لازم حد يعرف اني هنا عندك
منة متقلقيش يا ستي محدش هيعرف
عند رنا
صحيت من النوم علي صوت خبط جامد علي الباب قامت وفتحت وكانت سمية
رنا مدام سمية اتفضلي
سمية انتي كنتي فين امبارح قعدت ارن عليكي مردتيش وايه اللي انتي لابساه دا انتي كنتي في حفلة ولا ايه
رنا انا اسفة
سمية المهم بتحطي الكياس في قهوة حمزة بانتظام
رنا ايوا يا مدام متقلقيش
سمية وسها اخبارها ايه
رنا اخر حاجة كانت متخانقة هي وحمزة خناقة لرب السما ومكنش طايقاها
سمية متأكدة
رنا طبعا متأكدة اتخانقوا قدام عينيا
سمية للاسف انتي طلعتي غبية اوي وهما استغفلوكي المهم انا في ناس بتراقبني وتقريبا الناس دي تبع عادل عشان كدا هنفذ الخطة اللي احنا متفقين عليها بسرعة هنفذ عشان اقدر اسافر وطبعا هحتاج سها هتبقي هي الطعم اللي هصطاد حمزة وبعديه عادل بيها وانتقم لابني الوحيد
رنا تمام يا مدام
عدا يومين وحمزة بيدور علي سها زي المچنون وعنده امل انه يلاقيها ويعتذرلها كان هيتجنن عليها كان نفسه يشوفها وياخدها في حضنه ويقولها انه غلطان وانه بيحبها ومش قادر يعيش من غيرها جاله تليفون ورد كان صاحبه الظابط
حمزة ها لاقيتوها
الظابط لا بس عندي ليك اخبار تانية عن سمية
حمزة اخبار ايه
الظابط تعالي فورا مش هينفع في التليفون
حمزة راحله بسرعة
حمزة ها في ايه قلقتني
الظابط احنا اكتشفنا ان سمية دي كانت مرات ابوك وكانت حامل منه وسقطت في نفس اليوم اللي انت اتولدت فيه
حمزة پصدمة انت بتقول ايه ازاي يعني ابويا كان متجوز علي امي
الظابط للاسف اه
حمزة رجع البيت وقال لعادل انت مقولتليش ليه انك كنت متجوز سمية دي
عادل بارتباك انت عرفت منين انت بتجسس عليا يا ولد
حمزة مش مهم دلوقتي الكلام دا بجد ولا لا
عادل اه بجد انا كنت متجوزها وخانتني وطلقتها فيها ايه يعني
حمزة كان هيتكلم جاله تليفون الو مين معايا
مجهول حبيبة القلب معانا لو عايز تشوفها تاني تيجي علي العنوان دا لوحدك فاهم وإياك تكلم البوليس والا هاضطر اذيها
حمزة بعصبية إياك تحاول تقرب منها لو فكرت بس انك تيجي جمبها انا
مجهول وقاطع كلامه بلاش كلام كتير انا بعتلك العنوان وانت ادري بقا وقفل السكة في وشه
حمزة قفل وركب بسرعة عربيته وراح علي العنوان
في نفس الوقت اللي جيه فيه تليفون لسها الو مين
مجهول الحقي يا انسة استاذ حمزة عمل حاډثة وفي المستشفي تعالي بسرعة علي العنوان دا
اذكروا الله وصلوا علي النبي
سها بخضة وخوف حاضر حاضر جاية حالا
وسابت كل حاجة ونزلت جري علي العنوان اللي قالهولها
حمزة وصل علي المكان اللي الراجل قاله عليه وكانت عمارة لسة بتتبني في مكان مهجور اول ما وصل حد ضربه علي دماغه واغمي عليه
بعدها بشوية سها كمان وصلت واول ما وصلت هي كمان حد ضربها علي دماغها واغمي عليها
بعد ساعتين بقلمي سهيلة السويفي
حمزة ابتدأ يفوق وكان دماغه ۏجعاه بيبص حواليه لقا نفسه مربوط في كرسي ولقا سها نايمة ومتكتفة هي كمان علي كرسي جنبه
حمزة بخضة وهو بيتحرك بكرسيه ناحيتها سها حبيبتي قومي انتي كويسة ابوس ايدك قومي متخضنيش عليكي عملوا فيكي ايه المجرمين دول
سها وبدأت تفوق وقالت بصوت هادي انا فين حمزة فين حمزة كويس
حمزة انا كويس يا حبيبتي انتي ايه اللي جابك هنا بس فوقي يا سها ارجوكي
سها وصحيت وبصت علي نفسها لاقت نفسها مربوطة وشافت حمزة انت كويس قالولي انك عملت حاډثة وانا جيت جري اول ما جيت حد ضړبني ومحستش بنفسي
حمزة ولاد ال والله لاوريهم ازاي حد يفكر يمد ايده عليكي
سها مش مهم دلوقتي يا حمزة اهم حاجة انك كويس
حمزة مټخافيش انا كويس كلموني وقالولي انك عندهم جيت جري عشان الحقك وواحد فيهم ضړبني ومحستش بنفسي بعدها
سها وهي بتبص حواليها پخوف طب هنعمل ايه دلوقتي انا خاېفة اوي تفتكر عايزين مننا ايه
حمزة وبيطمنها مټخافيش يا حبيبتي انا معاكي محدش يقدر يقربلك بصي انا هحاول افك نفسي وانتي كمان حاولي يالا
حمزة حاول يفك نفسه بس مقدرش الحبل كان قوي اوي وسها برضه
سها الحبل جامد اوي مش عارفة فجأة سمعوا صوت حد داخل
حمزة اعملي نفسك
دخل راجلين شكلهم غريب وشاربين تقريبا
واحد فيهم متقلقش لسة مصحيوش هما الاتنين في سابع نومة
التاني وهو بيبص علي سها بس البت جامدة اوي انا مش قادر استحمل بصراحة
حمزة بغيظ وعصبية في سره انا هقوم امۏتك دلوقتي يا..
الراجل الاول مش دلوقتي الست قالتلنا محدش يتصرف غير لما هي توصل
التاني وهي هتعوزها في ايه هي أهم حاجة عندها الواد
الراجل الاول بخبث طب اطلع برة بقا ملناش دعوة لو الست جات وقالت خدوها نبقي ناخدها نتسلي شوية وخرجوا
حمزة بعصبية وغيرة احنا لازم نهرب بسرعة انتي ما سمعتيش بيقولوا
ايه ولا بيبصولك ازاي انا والله كلمة تانية وكنت هقوم ادفنهم مكانهم
سها اهدي بس يا حمزة خلينا نعرف نتصرف
حمزة طب يالا نحاول تاني نفك الحبل دا
عند عادل بقلمي سهيلة السويفي
عادل ها انتوا فين
واحد من الحرس هو وصل لمنطقة مقطوعة كدا ودلوقتي حددنا مكانه بالظبط
عادل طيب ابعتلي العنوان بسرعة وبلغ البوليس حالا
عند حمزة وسها
حمزة كان قدر يفك جزء من الحبل لكن مش كله وكان لسة بيحاول
فجأة دخلت عليهم سمية وقالت بشړ ازيك يا حمزة عامل ايه ياااه انا كنت مستنية اللحظة دي من زمان بس اول ما شافته حسيت بحاجة غريبة مقدرتش تفهمها لكن نفضت الأفكار دي من دماغها
حمزة انتي سمية بقا فهميني انتي عايزة ايه انا اول مرة اشوفك ومش فاهم ايه سر كل اللي بتعمليه
سمية ابوك محكالكش اني كنت مراته وقتل ابني الوحيد
حمزة قتل ابنك ازاي يعني انتي اكيد كدابة
سمية لا دا موضوع يطول شرحه وانا مش فاضية انا جاية لمهمة خاصة انفذها واسافر علطول
حمزة وياتري بقا فاكراني خاېف منك انا ابويا رباني اني مخافش غير من اللي خلقني وبس
سمية بغيظ وضړبت سها بالقلم انا هربيك انت وابوك والحلوة دي
حمزة بعصبية انتي ازاي تمدي ايدك عليها الكلام بيني وبينك خليها تمشي هي ملهاش ذنب
سمية بغل هو انت لسة شوفت حاجة وبعدين دي ذنبها كبير اوي انك حبيتها وانا اوعدك هحرق قلبك عليها واحړق قلب ابوك عليك ډم ابني مش هيروح هدر جيه اليوم اللي هاخد فيه حقه وانتقمله من اللي قتلوه
حمزة انتي مريضة ومش طبيعية اكيد انتي فاهمة غلط ابويا عمره ما يعمل كدا
سمية وهددته اخرس ومسمعش صوتك خالص
سها بړعب وهي بټعيط ارجوكي اوعي تأذيه هو مالهوش ذنب في اي حاجة حصلت قبل كدا اعتبريه زي ابنك
سمية بصړاخ وضړبتها ابني راح واياكي تجيبي سيرته علي لسانك فاهمة
سها بۏجع وتفتكري انتي كدا هتجيبله حقه مفتكرش انتي كدا هتودي
نفسك في داهية فكري كويس قبل ما تتصرفي اي تصرف غلط
سمية بصتلها بغيظ ونادت بصوت عالي انتوا فين تعالوا بسرعة
دخل الراجلين اللي كانوا واقفين برة افندم يا هانم
سمية خدوا البت دي ونفذوا اللي اتفقنا عليه
وبعدين بصت لسها تاني واللي عمتك معرفتش تنفذه انا هنفذه دلوقتي
الراجل اوامرك يا هانم انتي تؤمريني بقلمي سهيلة السويفي
حمزة وكان قدر يفك نفسه خالص من الحبل وبحركة سريعة اخد المسډس من سمية ووجهه علي دماغها إياك حد فيكوا يتحرك من مكانه ولا يقرب منها والا هفرغ المسډس كله في دماغ الريسة بتاعتكوا وبسرعة راح ناحية سها وهو موجه المسډس علي سمية وساعدها تفك الحبل
لكن في راجل من الرجالة بتوع سمية زقه والمسډس وقع منه
سمية اخدته بسرعة فاكر نفسك ذكي اوي طالع لابوك انت فاكر انك هتقدر تخرج من هنا سليم انت ولا الحلوة اللي معاك دي
حمزة وهو بيخبي سها ورا ضهره بعد ما فكها انتي مش هتقدري تلمسي منها شعرة واحدة الا علي چثتي
سمية بشړ طب ما هو دا المطلوب هو انا مقولتلكش انا ھقتلك دلوقتي
سها ووقفت قدام حمزة لو هتقتلي حد يبقي اقتليني انا الاول
حمزة وهو بيشدها تاني وراه انتي اټجننتي هي عايزاني انا ملكيش دعوة انتي
سها وطلعت تاني قدامه ازاي ماليش دعوة وبعدين اسكت انت كفاية اللي عملته
حمزة هو دا وقته دلوقتي يا سها بعدين لما نخرج من هنا
سمية اخرسوا بقا وبعدين انت فاكر انكوا هتخرجوا من هنا اصلا وانتي كمان مټخافيش يا حبيبتي ھقتلك
متابعة القراءة
