رواية كاملة
الحمام، وبما إن الضيوف مش بيشاركوا في المصاريف، فبالتالي ملهمش مفاتيح للشقة، ومينفعش يجيلهم بوستة ولا طرود هنا، وأقصى مدة للزيارة 14 يوم.
كريم كان هيشرق بالقهوة. ابتسامة الحاجة صفاء اتمسحت نعم يا روح ماما؟ بتقولي إيه؟
رديت بنبرة رقيقة جداً عشان التوقعات تبقى واضحة يا ماما. لو حابين تقعدوا أكتر من كده، يبقى لازم نمضي عقد اتفاق رسمي.. عقد إيجار، ومشاركة في فواتير الكهرباء والمية، وجدول لشغل البيت بالدور.
أستاذ شاكر ضحك بسخرية إنتي فاكرة إننا هنمضي عقد إيجار في بيت ابننا؟ هزيت كتفي إذن نورتونا ال 14 يوم بتوع الزيارة.
نورا لوّت بوزها وقالت كريم مش هيسمحلك تطردينا يا ليلى، بطلي شغل الأفلام ده. لفيت وشي لكريم، والابتسامة لسه على وشي هتسمح يا كريم؟
وشه شحب.. بص لأمه، وبعدين بصلي، وبعدين بص للورق كأنه قنبلة موقوتة هتنفجر في وشه. ليلى.. استهدي بالله.. بدأ يتكلم بصوت مهزوز.
الحاجة صفاء خبطت على الورق بإيدها ده كلام فارغ! مفيش أهل بيحطوا مواعيد وشروط لبعض! رديت بهدوء ولا فيه أهل بيدخلوا بيت فجأة ويقولوا هناخد أوضة النوم الكبيرة يا ماما.
أستاذ شاكر قرب مني وقال بحدة إنتي كده بتقللي أدبك وبتهينينا. ضحكت ضحكة خفيفة الاحترام متبادل يا أستاذ شاكر.. مفيش طرف
الحاجة صفاء صوتها علي يا كريم! قول لمراتك تلم نفسها وتوقف الكلام ده! كريم بلع ريقه وصوته طالع بالعافية يا أمي.. يمكن المفروض إننا
قاطعته وهي بتزعق لا! ده بيتك إنت كمان! هتسيبها تعاملنا كأننا أغراب وتذلنا باللقمة؟ وهنا اللعبة المعتادة بدأت الضغط، الابتزاز بالعاطفة، والشعور بالذنب.. السيناريو اللي كريم دايما بيستسلم فيه عشان يشتري دماغه ويسيبني أنا في المواجهة.
شفت كتافه بدأت تنحني.. كان خلاص هيستسلم للراحة المعتادة ويجي عليا. عشان كده، غيرت مسار اللعب تماماً.
قلت وأنا بفتح موبايلي بمنتهى البرود على فكرة، أنا كلمت البنك وشركة التمويل العقاري اللي واخدين منهم قرض الشقة. كريم بربش بعينه ليه؟
رديت عشان مش عايزة مشاكل قانونية. لو حد هنا أثبت إقامته بالوقت أو المفاتيح أو إنه يستلم بوستة موضوع الطرد والقضايا بيبقى معقد جداً. أنا بس بحمي بيتنا من وضع اليد الكاتبة نرمين عادل همام
وش الحاجة صفاء احمر من الغيظ إنتي بلغتي عننا؟ أنا استفسرت عن حقوقي، صححت لها الكلام. وقلبت الصفحة التانية في الورق ودي رسالة من مكتب استشارات قانونية بتشرح الفرق بين الضيف و المستأجر وأهمية العقود المكتوبة.. ده مش تهديد، دي حقائق.
أستاذ شاكر قام وقف
نورا ضحكت باستهزاء متقدريش تعمليها. قربت منها شوية، وبنفس الهدوء جربيني يا نورا.
أخيراً.. كريم نطق بصوت واطي بس مسموع أمي.. ليلى معاها حق. إحنا محتاجين نحط حدود من الأول.
الحاجة صفاء بصت له كأنه خانها وضربها في ضهرها بتقول كده بعد كل اللي عملته عشانك يا كريم؟ ملامح كريم اتغيرت، وبص لها بثبات لأول مرة أنا مقلتش لأ يا أمي.. أنا بقول إن البيت ده ليه نظام وقواعد، ولازم الكل يحترمها.
الحاجة صفاء زقت الكرسي لورا وقامت وقفت وهي بتبرق ماشي يا ست ليلى! لو مرتك يا كريم عايزة تعاملنا كمستأجرين، هنبقى مستأجرين.. وقاعدين على قلبكم، وهنثبت لكم إننا أصحاب البيت ده أكتر منكم!
وفجأة عملت حركة مكنتش أتوقعها طلعت موبايلها، وفتحت الكاميرا، ووجهتها لوشي وهي بتصوت بتمثيل رخيص يا جماعة شوفوا! شوفوا ليلى بتطردنا إزاي وإحنا ملناش مأوى وهي بتضحك وشمتانة فينا! قولي هاي للكاميرا يا ليلى يايالي بتطردي حماتك!الكاتبة نرمين عادل همام
قلبي انقبض من الحركة البلدي دي، بس صوتي متهزش.. بصيت للكاميرا مباشرة وقلت ببرود أهلاً بيكي.
من وراها، كريم همس برعب أمي.. بطلي فضايح وبوس إيدك.. امسحي الفيديو. بس الحاجة صفاء مسمعتش، ودخلت الأوضة ورفعته ستوري وفيديو على فيسبوك وتيك توك.
في خلال ساعة، تليفوني ميسكتش.. رسائل شتيمة ودعاء عليا من قرايب كريم يا قاسية القلب، يا خرابة البيوت، إزاي جالك قلب تعملي كده في ست كبيرة؟.. ناس ميعرفوش أصلاً شكل بيتي من جوه ولا ساعدونا بمليم، بقوا هما اللي بيوعظوني في الأصول والواجب.
هنا اتأكدت من حاجة المشكلة مكنتش مع أهل جوزي.. المشكلة كانت في جوزي نفسه. أنا زهقت من دور الست الطيبة المطوعة اللي بتضحي بسلامها النفسي عشان تحمي ناس محموهاش ولا مرة.
الفيديو ده غير كل حاجة، بس مش زي ما صفاء كانت فاكرة. في الأول، الهجوم كان عليا، بس بعد شوية التيار اتغير.. قرايب تانين بعتوا لي رسايل في السر عاش يا ليلى.. هي دي آخرتها. صفاء طول عمرها كده، لسانها متبري منها. أوعي تسيبي لها البيت وتستسلمي.
والأحلى من كده، إن حد من القرايب بعت لي الفيديو الأصلي اللي صفاء سجلته قبل ما تقصه وتمنتجه.. وفي النسخة الكاملة، صوت أستاذ شاكر كان طالع بوضوح وهو بيقول مش هندفع مليم ولا هنمد إيدنا في قشاية، وصفاء وهي بتقول بتبجح أوضة النوم الكبيرة دي تلزمنا إحنا. الحقيقة مبيغطهاش
أنا مبردتش على حد ولا دخلت في خناقات فيسبوك. أنا كنت بخطط في
