مر الاهمال بقلم ناهد خالد

منه أن يهتم بك كم تتمني أن تصرخ بوجه وتقول له أنا هنا فلتسأل عني قليلا فلتسمعني حتى ! لا تهملني هكذا فهذا الشعور ېقتلني 
_ لا أعلم إن كان مازال يحبني أم كف
عن هذا ولكن ما أعلمه أنه تغير تغير كثيرا 
_عمري ما حبيت الكتابه ولا عندي طول بال ليها يمكن عشان كده مفكرتش اكتب مذكراتي او يومياتي مثلا رغم إنها وسيله كويسه عشان أخرج فيها الي جوايا بس حتي دي مش
قادره اعملها ممكن اكتب سطرين تلاته لكن صفحه او اتنين أحكي مواقف فيها! صعب اوي معنديش خلق الحقيقه ويمكن الجمل الي بكتبها بطلع جزء من الي جوايا بشكل راضيه عنه بس ممكن اكتب تلخيص لمعاناتي الإهمال ده الي بعاني منه وللأسف أنه من اكتر شخص محتاجه منه الإهتمام والمشكله إني لما بدور علي سبب لإهماله المبالغ فيه ده مبلاقيش طب أنا قصرت معاه في اي عشان يقصر معايا كده أهملته عشان يهملني لأ محصلش مين السبب في الي وصلناله أنا ولا هو طيب هو حاسس بحاجه اصلا ولا شايف إن حياتنا عاديه وأنا بس الي بتوجع مبيعرفش يهتم ازاي الحرمان شئ مؤسف أوي.. ومن ضمن أنواعه الحرمان من الأهتمام.. أصعب حاجه لما تبص لحاجه ف ايد غيرك وتتمني لو تطول جزء منها.. لما بتوصل للمرحله دي بتبقي حالتك النفسيه صعبه اوي.. زي طفل محروم من حنان أمه بيلفت نظره أقل مشهد بين طفل تاني وأمه فيه لمسة حنان... زي شخص فقد جزء من جسمه بيمشي يبص علي الناس الكامله ويتمني لو يكون زيهم!... ابسطها ! زي واحد قاعد في جو برد جدا وبيتفرج علي فيلم الشمس طالعه فيه والجو باين حر! بيتمني لو الشمس دي تتنقل لعنده.. زي حاجات كتير اوي بتحس بۏجع جواك لأنك مش طايلها.. أنا كمان بقيت بتبهر باهتمام شخص بشخص تاني بيحصل قدامي... خصوصا لو زوج وزوجه.. أنا لاقيه الاهتمام مش محرومه منه في المطلق.. عندي اهتمام أكرم بيا بحمد ربنا كل يوم عليه.. بس محرومه من الأهتمام بيبقي مختلف برضو... ومفيش لحظة ۏجع بعيشها اكتر من اللحظه الي بشوف فيها اهتمامه بغيري.. أنا مبكرهاش أنا بس شايفه أنها واخده حقي.. بس عمري ما لومتها لأنها مش هي الي
خدت حقي وادتوا لنفسها... عمري ماتخيلت إني أوصل معاه لهنا عمري ماتخيلت إن حياتنا تبقي بالشكل المؤذي ده... ليا علي الأقل .
في كل مره يقرأ فيها كلماتها يندهش وكأنه يقرأها لأول مره لم يتخيل أنها تحمل كل هذا في جبعتها والأدهي أن الأمر كما قالت كل ما تعاني منه هي فقط من تعاني هو لا يري كل ما تراه هي لا ينتبه لهذا الذي تشتك منه ولكن كلماتها أوجعته كيف تشعر بكل هذا وهو بجوارها ولم يشعر بها ! كيف تتألم هكذا وهو لا يعرف ألمها ! لم تشتك له يوما ولم تظهر له ما بداخلها كان يجب أن ينتبه لها دون أن تتحدث فالخطأ يقع عليه أيضا ألم يعدها بوقوفه بجوارها دائما أين هذا وهي تعاني معه!.
وقف يجمع متعلقاته الشخصيه وقرر الاتجاه لها لن يسمح لها بالهروب أكثر يجب أن يواجهها ويضع النقاط فوق الحروف .
_ يا حبيبتي أنت غلطي برضو هروبك ده مش حل يا أمنيه !
قالتها سلوي وهي تهاتف أمنيه تعاتبها علي هروبها الذي اختارته ك حل!
_ طنط أنا تعبت مبقتش قادره أتحمل وأنا مش هقدر اشحط منه الإهتمام أنا سكوت عشان مش هعرف أروح أقوله أنت مبتهتمش بيا ليه مش هعرف أطلب منه الإهتمام يا طنط أرجوك افهميني .
_ يا حبيبتي ده جوزك مش حد غريب ولا واحده صاحبتك عشان حياتكم تمشي وتعرفوا تكملوا لازم تتعودوا تعاتبوا بعض ولما حد منكوا يغلط في حق التاني واجب عليه ينبهوا يمكن مش واخد باله لكن السكوت وأنكوا تحطوا في نفسيتكم ده غلط وهيهد الي بينكوا .
_ يعني حضرتك عوزاني أروح أقوله أنت ليه بتهتم بدينا وأنا لأ ليه بتديها حقي ! ليه مديها مكاني!
_ أمنيه هو مش مديها مكانك يا حبيبتي آه هو الإهتمام الي مدهولها من حقك أنت بس برضو مش لدرجة أنه مديها مكانك وعاوزه اقولك حاجه صدقيني يزن بيحبك بس هو مش حاسس بكل الي بتمري بيه ومش منتبه لتصرفاته أنا واثقه أنك لو كنت اتكلمتي معاه كان فهمك ومكنتوش وصلتوا للمرحله دي ولولا أنك محلفاني ما اتكلم معاه ولا اقوله علي اي حاجه تقوليها ليا كان زماني قلتله أنا .
_ يعني حضرتك مغلطاني بعد كل ده 
_ ياحبيبتي مش مغلطاك بس متنكريش أنك شايله جزء من الغلط برضو ولازم تعترفي بيه .
_ أنا شايفه أني مكنش ينفع اعاتبه علي إهماله ليا يمكن أكون غلط بس أنا عمري ما قتنعت أني اعاتب حد علي عدم حبه ليا او عدم اهتمامه ليا بشوف ان اي مشاعر صادره من شخص ليا مينفعش أجبره عليها
او اعاتبه عليها .
_ طيب ناويه علي أيه هتفضلي مستخبيه كده كتير وبتقطعي اي طريق تواصل بينكوا 
_ مش عارفه حقيقي عقلي متوصلش لأي حل .
_ واللي يقولك
علي حل 
انتبهت لها بإهتمام وهي تقول 
_ حل ايه 
_ هتعمليه
_ لو هقدر اعمله أكيد هعمله.
جائتها نبرة سلوي الواثقه والخبيثه بآن واحد
_ شوفي هو ابني بس أنا هحط خطه معاك عليه أنا كلمته كتير من ناحية دينا وهو كل اللي عليه دي متربيه معايا ويتيمه ومينفعش اسيبها لوحدها وكلام من ده فالكلام ممنوش نتيجه بس الفعل إن شاء الله هيجيب نتيجه وعموما كل ده لمصلحته ومصلحة حياته وبيته في الآخر.
_ سمعاك يا طنط قولي .
كانت جالسه أمام التلفاز في غرفة المعيشه بالأسفل بعقل شارد تماما في حديث والدة زوجها تري أتنفذ ما أخبرتها به والذي تشعر أنه سيشفي غليلها أيضا وسيخلصها من كل تلك المشاعر السيئه التي تنتابها وربما ستصفي له من بعدها .
لم تنتبه لجرس الباب ولا لفتحه من قبل الخادم ولا بدلوف أحدهم 
لفت رأسها بعدما ابتعد لتواجهه رأته يبتسم تلك الابتسامه الرائعه وهو يهتف بصدق 
_ وحشتيني .
_وحشتيني .
وقفت تنظر له بدهشه ماذا أتي به لهنا ! ألم يخبره آخاها أن يأتي بعد يومان! .
وكأنه يقرأ أفكارها حينما قال ببرود وهو يقترب منها حتي أصبح أمامها تماما.
_أكرم قالي أجي بعد يومين بس أنا قلت مش من حق حد يحدد أشوف مراتي امتي .
رفعت حاجبها بذهول من حديثه البارد الهادئ توقعت أنه حين يراها سيثور علي ما فعلته وابتعادها عنه طوال الأسبوع المنصرم لكن لم يحدث!
_أيه يا بيبي أنت مش سمعاني بكلمك ! مبترديش ليه !
بيبي تلك الكلمه التي تثير حنقها وهو يعلم هذا لطالما تشاجرا بسببها في أول زواجهما ظهر امتعاضها علي ملامح وجهها وهي تنظر له بضيق .
جلست محلها مره أخري تنظر للتلفاز مقرره العمل بخطة والدة زوجها فهو يستحق تذكرت حديثها حينذاك
وهي تملي عليها خطتها 
_بصي هو شايف أنه مش مهملك ولا حاجه أنت كمان اتصرفي زيه تمام ولو مضايقش يبقي أنت الي مكبره الموضوع ولو اتضايق قوليله انا بتعامل زي ما انت بتتعامل معايا بالضبط وقتها لما يحس باحساسك لما بيهملك هيفكر صح ولما يقرر يصلح علاقتكم هيصلحها لكن الكلام والعتاب مش دايما بيجيب نتيجه ماشي هيتفهمك وهيعدل من تصرفاته بس وارد يبقي ده لفتره صغيره وبعدها هيرجع تاني للوضع المعتاد لأنه ببساطه محسش بيك بجد مجربش يبقي مكانك عارفه وارد جدا بينه وبين نفسه يقول دي مكبره الموضوع اوي آه ما الستات بطبعها كده بيأفوروا ونكديين لكن
صدقيني لو بقوا مكانا هيعرفوا أن الموضوع يستاهل ويستحق الزعل الصوره من بره يا أمنيه مش زي ما تدخلي جواها.
تنهدت بهدوء وقد اقتنعت بحديثها تماما وقررت العمل به .
مسكت جهاز التحكم تقلب في التلفاز بملل نظر لها برفعة حاجب وهو يري تصرفها الغير متوقع تحلي هو الأخر بالبرود واتجه ليجلس بجانبها قطبت حاجبيها بضيق 
_الكنبه واسعه وسع شويه.
نظر لها متجاهلا حديثها وقال باهتمام 
_راسك عامله اي 
_كويسه .
_ذاكرتك تمام يعني ولا الخبطه أثرت عليك 
نظرت له بضيق وتمتمت وهي تجز علي أسنانها 
_بطل سخافه .
ابتسم ببرود وهو يقول 
_فكرت الخبطه أثرت عليك عشان تقعدي أسبوع بعيده عن بيتك ومش عاوزه تشوفيني .
_لا الخبطه ملهاش دعوه .
قالتها ببرود وهي تزجره بعينيها .
_طب الحمد لله اومال ايه السبب بقي 
أخذت نفس عميق قبل أن تجيب 
_خايفه ارجع البيت بعد اللي حصل .
نظر لها بتمعن وهو يسألها
_وجودي مكنش كافي يطمنك لو رجعتي
وجهت أنظارها إليه والتزمت الصمت صمت كان موجع لقلبه لأبعد حد صمت يساوي كلمة لا وكم بشع أن يعرف بأنه لم يعد آمانها كما كان حاول ألا يظهر ما أنتابه من مشاعر مؤلمھ ورسمه ابتسامه وهو يكمل 
_طيب ايه علاقة ده بأنك مش عاوزه تكلميني ولا تشوفيني
_مش شايف أني من حقي أزعل منك يعني اتصل عليك وأنا في خطړ ومحتاجاك تنقذني وأنت تقفل من قبل ما تعرف بتصل لي حتي متخيل مشاعري وقتها متخيل الي حسيت بيه متخيل خيبة أملي وشعور الخذلان الي حسيته عمل فيا ايه من حقي ازعل ولا لأ 
نظر لها بصمت والحقيقه صمته لم يكن بحثا عن إجابة لسؤالها صمته كان في وادي آخر كان يفكر .. منذ متي لم تجلس معه هكذا منذ متي لم يستمع لها منذ متي لم تعبر له عن استيائها من موقف ما ولم تشرح له شعورها حينها الآن يشعر أنه بالفعل ابتعد ابتعد كثيرا وهناك الكثير الذي ينقص حياتهم وما
يحدث الآن هو أول شئ .
_أنت مبتردش ليه 
_آسف .
كانت كلمه صادقه تماما خرجت منه بشكل عفوي ناتج عن تفكيره أراد الاعتذار عن كل ما صدر منه سابقا لكنها فهمت اعتذراه عن ماحدث يوم السرقه .
_أنا نفسيتي كانت تعبانه الفتره اللي فاتت عشان كده مكنتش حابه نتقابل.
_أنا عارف أني غلط بس صدقيني من غير قصد مني كان عندي اجتماع مهم ومتأخر عليه وفكرتك عاوزه حاجه اجيبها وأنا جاي .
لا مانع من بعض الكذب لتيسير الأمور! كان هذا تفكير يزن حينها
أرادات تجاوز الأمر كي تبدأ في تنفيذ خطتها فقالت 
_خلاص حصل خير أكيد لو كنت تعرف أني في خطړ مكنتش هتقفل في وشي يعني.
ابتلع ريقه بحرج لحقيقة إغلاقه الهاتف في وجهها قال بلهفه
_طيب هترجعي معايا 
نظرت له قليلا وهي تري لهفته الواضحه بعنيه لهفه لم تراها منذ فتره طويله .
_ماشي هرجع .
ابتسم براحه وهو يقول 
_طيب يلا بينا .
عقدت حاجبيها باستنكار قائله
_مش لما أكرم يرجع عشان أعرفه إن......
لما تكمل حديثها حين قاطعها هو 
_لا مانا كلمته وانا جاي في الطريق وقولتله انك هتروحي معايا .
اتسعت عيناها بذهول مردده 
_أنت بتهزر ! وافرض مكنتش وافقت .
ابتسم بسماجه قائلا
_لا ما انا عارف إني مش ههون عليك اجي لحد هنا وارجع لوحدي من غيرك بعدين والله لو تشوفي حالتي من غيرك لټعيطي.
_لا والله!
قالتها وهي ترفع حاجبها باستنكار فقال بنفس الابتسامه 
_آه والله يلا بقي ده أنا واخد باقي اليوم أجازه عشان أقضيه معاك.
حينما عادت معه بدأت بتنفيذ خطتها فورا فلم تمكث سوي نصف ساعه وادعت الارهاق وأكملت باقي اليوم نائمه تاركه إياه بمفرده حتي قرر النزول لوالدته وتقضية اليوم معها والتي عرفت أن زوجة ابنها أعلنت الحړب .
شهر كامل مضي اعتمدت فيه أمنيه مبدئ الإهمال ونفذت الخطه بحذفيرها تماما كما أرادت بداية يوم حاله كحال باقي الأيام التي مضت منذ عودتها 
استيقظت في السادسه صباحا قبل استيقاظه تسللت بهدوء من جواره تهبط من فوق الفراش كي لا يستيقظ بعد دقائق كانت تعد له الإفطار انتهت سريعا ووضعته فوق السفره مع كوب من الشاي دلفت للغرفه ثانية واتجهت لخزانته أخرجت ثيابه ووضعتهم فوق الأريكه بحرص كانت الساعه قد وصلت للسابعه ميعاد استيقاظه اتجهت للفراش وهي تهزه برفق 
_يزن يزن الساعه 7 يزن قوم يلا.
همهمه صدرت منه تبعها استفاقته وهو ينظر لها بأعين شبه مغلقه وخصلات شعره قد تساقطت فوق وجنته اهتزت مشاعرها وهي تنظر لمظهره الجذاب هذا ولكنها لن تتراجع هكذا همست لنفسها .
_صباح الخير يابيبي .
هزت ساقها بعصبيه فهو منذ عادت وهو ينعتها بتلك الكلمه المستفزه لها ولكنها تتغاضي عنها تعرف أنه يستفزها لترد عليه وټتشاجر معه فيفسد كل ما تفعله أشاحت بوجهها وهي تتجه للخارج .
_صباح النور.
بعد دقائق خرج من الغرفه ليجدها كالعاده بالمطبخ تمتم بغيظ 
_دلوقتي اول ما اقعد افطر تطلع تقولي أنا عملتك القهوه اهي هدخل انام عشان مرهقه ولعبة القط والفار اللي
مش بتخلص دي ..
كانت بالفعل هذه طريقتها لم تسمح له بالتقابل معها صباحا لأكثر من خمس دقائق ولاتوليه فيهم اي اهتمام ربما لا تنظر له إلا عابرا وجدها تخرج من المطبخ وبيدها فنجان القهوه اتجهت تضعه أمامه وهي تقول 
_القهوه اهي هدخل اكمل نوم .
كادت تذهب كالعاده إلا أن يده سبقتها وهي تجذبها له وفجأه وجدت نفسها بالكرسي المجاور له نظر لها وقال بابتسامه عابثه 
_هو أنا مقولتلكيش .
ابتلعت ريقها بتوتر تسائلت بخفوت 
_قولتلي ايه
_مش أنا واخد أجازه يومين وقاعد معاك.
شهقت پصدمه حقيقيه ..من يزن وأجازه يجتمعان في جمله واحده ! تتذكر أنه لم يأخذ أجازه منذ أجازه زواجهم ! ماذا حدث ليأخذ أجازه يومان أيضا!.
_ليه أنت تعبان 
قالتها بقلق وهي تطالعه منتظره الإجابه لم تختفي ابتسامته وهو يجيبها 
_لا يا بيبي مش تعبان بس مراتي حبيبتي وحشتني ومش عارف أتلم عليها حتي لما برجع بتكون نمتي قلت أخد أجازه ونقضي اليومين دول كلهم سوا.
_لأ مينفعش قصدي مفيش داعي .
_أنت تكرهي قعدتي معاك ولا اي 
ردت ببرود أجادته 
_لا خالص براحتك .
قالتها واستطاعت تخليص نفسها منه اتجهت لغرفة نومهما وأغلقت الباب تاركه إياه خلفها يزفر بيأس فلم يستطع إبقائها معه عزم علي تناول الإفطار والمحاوله معها مره أخري .
بالداخل ......
_الو ايوه يا طنط.
تحدثت في الهاتف بهمس وهي تراقب الباب .
_ايه يا أمنيه في حاجه يا حبيبتي 
_يزن بيقولي واخد أجازه وناوي يقعد معايا وده مش هينفع خالص كده الخطه