توبه لاخر عمري بقلم زهرة الربيع
المحتويات
نفسنا لوحدنا في الدنيا...كانت صدمة عمري لما عرفت انها تعبانه وپتموت...ولازم اجمع مبلغ عمري ما عرفت اقراه حتى...لو كنت كملت شغل على التاكس بتاع ابويا...مكانش هيكفي ولا عشرين سنه لقدام...كان لازم اوافق على شغل ماجد...والله انا رفضتو قبل ما اعرف بمرض ميسون...بس دلوقتي مضطر ابقى الكلب بتاعو..واعمل الي عايزو وبس
توبه زعلت جدا عليه ومنصف قال بدموع...قلي ...قلي اخويا بيحب بنت شمال..وعيلتها زيها..والبت بتضحك عليه وتاخد فلوسة...عايزك تكشفها قدامو بس...وقلي على الخطه الحقيره الي عملتها فيكي...حاولي
تسامحيني...كان اقرب طريق بالنسبالي وانا معنديش وقت
توبه عيونها اتملو دموع الرحمه الي في قلبها بتخليها متقدرش تشوف حد في وضع زي ده مهما اذاها ابتسمت وقالت...هون على قلبك انا مسمحاك...الاذى مش منك اصلا..الاذى من الي بيعمل كل الي يقدر عليه علشان يكسرني..بس حاول يا منصف متوافقوش على اي حاجه..اوعى تعمل كده غي واحده تانيه
منصف قال بسرعه...توبه والله...
توبه ابتسمت وقالت...طب يلا بقى نشوف ميسون
وراحو سوا عند ميسون كانت فتحت عنيها ونايمه بهدوء توبه قربت منها وقالت..ها يا حلوه احسن دلوقتي
ميسون قالت بابتسامه..الحمد لله يا توبه..شكرا انك ممشتيش
توبه قالت..امشي ازاي بس من غير ما نتعرف ونحكي ده انتي باين عليكي عسوله كده ونفسي ادردش معاكي
ميسون ضحكت ومنصف قال...انتي جعانه يا ميسون...يمكن تكوني جوعتي هروح احضرلك سندوتشات
توبه قالت..لا سندوتشات ايه..هنحضر عشا وناكل كلنا...انا هروح..منين المطبخ
منصف قال بسرعه..لا لا ..متتعبيش نفسك والله ...انا بعمل كل حاجه
بس توبه قالت .لا..انا هروح احضر العشا انهارده معلش انا مصره انت خليك جمب ميسون
منصف شاور لها على المطبخ وفضل جمب ميسون اول ما توبه خرجت ميسون قعدت بحماس وقالت..ها..ايه رأيك فيا...قعدتهالك اهو
منصف استغرب وقال...قعدتهالي..قعدتهالي ازاي
ميسون قالت..ما انا لما لقتها هتمشي عملت انو اغمى عليا ايه رائك..نفعت معاها
منصف اتسعت عنيه بزهول وقال .ېخرب بيتك..ده انا كنت هتجنن ..كنت ھموت من خۏفي عليكي
ميسون ضحكت وقالت..ليه يا عم كل الخۏف ده..انت مش ديما تقولي اني كويسه وده مجرد هبوط بتقلق ليه بقى
منصف بلع ريقه بارتباك وقال..بقلق
ميسون قالت بضحك..طيب يا عم ...سيبك مني خالص روح بقى اعملك حركه معاها وضب السفره نزل لها الاطباق العاليه ممكن تتزحلق وتسندها زي الافلام اعملك اي جوو اتلحلح
منصف ضحك وقال...هو ده سقف افكراك..اخرسي واتلمي انا هروح احضر معاها بجد... اوعي تغلسي زي عادتك علشان دي غلبانه وبتصدق
منصف راح وضبلها السفره وقال...يلا هوديلك الاكل انا بقى توبه ادتلو الاكل وبقى يساعدها وعمل السلطه وكان بيبصلها على ملامحها الجميله ووشها البرئ النضيف الي مفهوش اي ميكب او اي حاجه مش طبيعيه
توبه خدت بالها انو بيبصلها حمحمت بخجل وقالت..خلصنا..يلا ناكل
وفعلا راحو اكلو في جو جميل ومنصف كان بيهزر وبيقولهم نكت وتوبه كانت بتضحك من قلبها هيه وميسون وفضلو سهرانين سوا لحد ما راحو نامو منصف نام في اوضتو وميسون وتوبه سوا
قبل اذان الفجر قامت توبه واتوضت وبقت تصحي ميسون قالت...ميسون ميسون...قومي يا حببتي الفجر فاضلو ٥ دقايق ويأذن
ميسون بصت لها بنوم وقالت..طيب ما يأذن يا توبه يا حببتي هو انا الي هروح اذنو
توبه ابتسمت وقالت..بلا بلاش كسل علشان تصحي اخوكي وتيجو نصلي يلا اخلصي
ميسون قعدت بضيق وقالت..يا حببتي ما نصلي الصبح يعني احنا نايمين متأخر
توبه قالت ...معقوله تسهري علشان الهزار ومتقوميش للصلى ...يلا بلاش كسل روحي صحي اخوكي
ميسون بصت لها جامد وبقت تضحك من قلبها وقالت..اصحي مين...منصف ..ههههههه...والله انتي نكته..لا معلش روحي جربي انتي
توبه استغربت وقال..ليه ان شاء الله هو انا بقولك صحي واحد مېت...وبعدين يا بنتي انتي اختو روحي صحيه انتي احسن
ميسون قامت وجريت على الحمام وقالت..مليش دعوه مع نفسك..اهي اوضتو عندك..قال تصحيه قال..هههههه
توبه اتغاظت منها وراحت على اوضة منصف وخبطت على الباب بحرج
بس بقت تخبط كتير ومفيش فايده منصف مفتحش بقت تقول..استاذ منصف...استاذ منصف قوم الفجر هيفوتك...استاذ منصف
لاكن لا حياة لمن تنادي لحد ما طلعت ميسون واول ما شافتها لسه بتخبط عليه ضحكت تاني جامد
وقالت...ېخرب
عقلك انتي لسه بتحاولي...طب اوعي ..ده مبيقومش كده
وفتحت الباب ودخلت مسكت كبايه الميه وكبتها عليه وصړخت فيه وقالت ..حرييييييبقهههه
منصف
ميسون قالت..مش انا الي عيزاك دي توبه
منصف قعد بسرعه وبقى يفرك عنيه بنوم واول ما شاف توبه كانت واقفه ومنزله وشها في الارض قال بسرعه..خير با انسه توبه في حاجه ولا ايه
توبه قالت بحرج..ابدا يا استاذ منصف جيت اصحيك للفجر...يلا علشان تلحق الصلاه
منصف بص لميسون بزهول وميسون كانت كاتمه ضحكتها بالعافيه
منصف قال باستغراب...هو...وانتي قولتي ايه
ميسون قالت بصوت عالي في ودنو...بتقولك..قوم علشان الصلاه..الصلاه .الصلاااااااااااااه
منصف ضربها بالمخده وقال...سمعت بوظتيلي ودني غوري من هنا
ميسون ضحكت وقالت..هستناكي علشان نصلي سوا يا توبه متتاخريش ومشيت وهيه بتضحك
توبه قالت باستغراب..هيه ليه اختك بتضحك علشان هصحيك تصلي..ده انت لو مسيحي مش هتضحك كده
منصف وقف وقال بابتسامه وحرج...ابدا اصل..احم...اصل انا مش متعود اقوم بدري...كمان...كمان للاسف يعني..احم...مش بصلي
توبه ابتسمت وقالت..وفيها ايه...صلي من انهارده ربنا غفور رحيم...يلا ...اتوضى وصلي...وادعي لاختك..ولنفسك..متبخلش على ربنا بالممكن...وهتشوف ازاي هيحققلك المستحيل
توبه قالت كده وخرجت ومنصف بص لطيفها بابتسامه ودخل اتوضى وصلى وهما كمان صاو وبقم يدعو ربنا يغير احوالهم لاحسن حال
استمر الوضع لفتره مش كبيره
كان والد توبه حالتو لسه متحسنتش ولسه في المستشفى وكان منصف ياخد توبه ويوديها تشوفه من بعيد مستنياه يفوق وتشرحلو الي حصل
وكانت قاعده الفتره دي مع منصف وميسون ديما هيه وميسون بيهزرو ويحكو سوا ومنصف كمان كانت مرتحالو جدا وهو كان مبسوط جدا بوجودها..وديما بيصلي هو وميسون وتوبه كل الفروض ماعاده وقت الفجر كانت فيه معارك على بال ما تقدر توبه تصحي منصف
لحد ما في يوم راحت تزور ابوها في المستشفى واتفاجأت انو خرج وراح البيت فركبت هيه ومنصف وراحولو البيت
على الطريق كانت توبه متحمسه جدا ومبسوطه وقالت. انا فرحانه قوي يا منصف...اخيرا بابا قام بالسلامه...انا اخيرا هرجع بيتنا
منصف قال بحزن...ترجعي..ترجعي ازاي
توبه قالت بفرحه .اصل انت متعرفش ماما دي طبعها صعب شويه...بس بابا بېموت فيا وعارف اني عمري ما كدبت واول ما اشرحلو الي حصل...هيصدقني
منصف ابتسم بقلق وقال..ياريت يكون احساسك صح يا توبه...انتي عارفه انا مش هقدر اتكلم علشان الفلوس بتاعتي الي لسه عند ماجد و
بس توبه قاطعتو وقالت بابتسامه...متضغطش على نفسك انا هحل كل جاجه من غير ما انت تضطر تتكلم تمام..و...احم..على فكره هتوحشوني..يعني ميسون هتوحشني
منصف ابتسم وبصلها وقال..ميسون بس
توبه ابتسمت بكسوف ونزلت عيونها وقالت..احم...لا طبعا....ميسون والبيت و..واكيد انت كمان
منصف ابتسم وقال...انتي كمان هتوحشينا اوي..بجد خليتي للبيت روح وونس...ابقى زورينا
توبه لسه هترد وصلو البيت ونزلت وولسه هتمشي منصف وقفها وقال...توبه...ابقى قولي لابوكي كلمتين حلوين عني...متضمنيش الظروف يمكن اشرب شربات معاه قريب
توبه بصتلو بدهشه ومشيت بسرعه وكسوف وهيه مش مصدقه معني كلامو انو عايز يتقدم لها معقوله حاسس بنفس احسايها تجاهو كانت طايره من السعاده
اول ما وصلت شقتهم وخبطت على الباب امها فتحت واتفاجأت بيها كان نفسها ترحب بيها بس اتراجعت وقالت پحده..عايزه ايه
توبه قالت بدموع...اذيك يا ماما
امها قالت پغضب..انا مش امك انا معنديش بنات يلا روحي من هنا ولا سمعتي ان ابوكي قام فجيتي تخلصي عليه
توبه قالت بدموع..يا ماما حران عليكي اسمعيني مره واحده حتى طب خليني اشوف بابا ده وحشني قوي والله
انتي ملكيش لا اب ولا ام هنا...كانت دي جملة ابوها الي خرج وهو بيتسند
على العصايه
توبه ابتسمت بفرحه اما شافتو وجريت عليه بس ابوها رجع خطوه لورا وقال...ابعدي عني...قولتلك انا ميشرفنيش تكون بنتي واحده زيك..انا بنتي الي ربتها ماټت من يوم ما كدبت عليا وخلت سيرتي على كل لسان
توبه نزلت دموعها وقالت..خليني اشرحلك يا بابا انا
بس ابوها قفل الباب في وشها من غير ما يسمعها ابدا
توبه بقت تبكي ونزلت وهيه مكسوره ودموعها على خدها كانت واثقه ان ابوها هيسمعها نزلت مڼهاره حرفيا
منصف كان مستني يشوفها هتنزل ولا هيقبلوها اهلها ولسه هيمشي شافها نازله وهيه بتتكا على السلم ومش قادره تقف ودموعها مغرقه وشها
منصف جري عليها سندها وبصلها بدموع بعد ما عرف ان اكيد ابوها كمان طردها
توبه بصتلو بدموع وبقت تبكي جامد ومنصف اخدها ولسه هيطلع بيها على العربيه اتقدم عليهم ماجد وقال ..الله
توبه بصتلو پحده ومنصف قال بضيق...ابعد
متابعة القراءة
