بنت مراتي الجديده حكايات صافي هاني
أنا مش هسيب البنت دي معاكي دقيقة واحدة ثانية يا فريدة.
ضحكت ضحكة باردة ومخيفة. وهتعمل إيه يعني؟ هتقول للشرطة؟ تفتكر هيصدقوا ممرض غريب مكملش شهر في البيت، ويسيبوا أم دكتورة ومحترمة وليها اسمها؟
طلعت الموبايل من جيبي، وضغطت على زرار إنهاء التسجيل الصوتي اللي كان شغال من أول ما دخلت البيت وقولت لها أنا مش لوحدي يا فريدة... والتقرير الطبي اللي معايا في جيبي دلوقتي لسه واصل لزمايلي في النيابة العامة حالا، وقوة من القسم زمانها على السلم.
الملامح المثالية اتهدت تماماً، والوش اتقلب لرعب حقيقي أول ما سمعت صوت سرينة بوكس الشرطة وهو بيقف تحت البيت. نزلت على ركبي وضميت هنا ليا وأنا بهمس لها خلاص يا حبيبتي... النار مش هتيجي... كل حاجة خلصت.
المشهد التاسع
ارتعش جسم فريدة بالكامل، والبرود اللي كان مغطي وشها اتمسح وفي ثانية واحدة اتحولت لقطة شرسة محبوسة في قفص. بصت حواليها بجنون، وعينيها راحت على الملف اللي باين طرفه من جيب الجاكيت بتاعي، وبعدين بصت للموبايل في إيدي.
أنت مش هتدمرني يا حازم.. مش ممرض حتة وعيل صرصار زيك هو اللي هيهد اللي بنيته! صرخت وهي بتهجم عليا زي المجنونة، صوابعها وضوافرها كانت رايحة لوشي وعيني عشان تاخد الموبايل أو الملف.
رجعت لورا خطوة وحميت هنا بضهري، ومسكت إيد فريدة وقيدت حركتها بقوة مكنتش أعرف إنها عندي.
في اللحظة دي، الباب الخارجي للشقة اتهد وصوت خبط قوي ورجلين بتهجم على الصالة وراها صوت مأمور المباحث يا فندم افتح.. معانا إذن من النيابة!
فريدة شلت حركتها تماماً، وصوت سرينة البوكس كان بيهز حيطان الأوضة. عينيها بقت تروح يمين وشمال برعب حقيقي، وشها اصفر وبقت بتتنفس بصعوبة كأن الأكسجين خلص من حواليها. دخل القوة الأوضة، وبإشارة من الظابط، اتنين أمناء شرطة مسكوا فريدة من دراعاتها وقيدوا حركتها بالكلابشات.
بصتلي وهي بتتجر لبرة، وبعيون مليانة غل وشر قالت بصوت فحيح مش هسيبك يا حازم.. والله ما هسيبك!
لكن صوتها اختفى تدريجياً وهي بتنزل على السلم وسط نظرات الجيران اللي صحيوا على الفضيحة.
المشهد العاشر الأخير
قعدت على الأرض، ودموعي نزلت لأول مرة من بداية الليلة دي. دموع خوف، على دموع ارتياح، على صدمة من الست اللي كنت فاكرها شريكة حياتي.
حسيت بإيد صغيرة بتطبطب على كتفي. رفعت راسي لقيت هنا، وشها كان لسه باهت بس دموعها وقفت، وبعينيها الواسعة كانت بتبصلي بنظرة أمان عمري ما شوفتها في عيون طفل قبل كده.
عمو حازم.. هي مش هترجع تاني صح؟ سألتني بصوت مرعوش بس فيه نبرة أمل.
خدتها في حضني وضمتها بكل قوتي، ودموعي غرقوا شعرها. مش هترجع يا قلب عمو حازم.. طول ما أنا عايش، محدش هيقدر يئذيكي أو يلمس
بعد مرور ست شهور...
النيابة فتحت قضية موت جوز فريدة الأولاني بناءً على التقارير الطبية والتسجيلات، والطب الشرعي أثبت التسمم العمدي، وأخدت حكم رادع يخليها تقضي بقية حياتها ورا القضبان.
أما أنا وهنا، فبقينا عيلتها الجديدة. قدرت بمساعدة المحامي وبصفتي الواصي القانوني عليها بعد اللي حصل، إني أضمن لها حياة هادية. كل يوم الصبح لما بصحيها عشان تروح المدرسة وتشاورلي بابتسامتها الصافية، برجع أفتكر ليلتها وبقول لنفسي الشغل في الطوارئ بيعلمك تنقذ حياة الناس بالدوا والمشرط.. بس ليلتها، ربنا استخدم الغضب المكتوم في قلبي عشان ينقذ ملاك كان هيروح ضحية لوحش بشري.
المشهد الحادي عشر بعد مرور عام
الحياة مكنتش سهلة في الأول، الصدمة النفسية اللي عاشتها هنا سابت جواها جروح أعمق بكتير من الحروق والعلامات اللي كانت على جسمها. في أول كام شهر، كانت بتصحي من النوم بتصرخ وهي بتترعش، وتجري تستخبى تحت السرير كل ما تسمع صوت خبطة عالية أو حد يعلي صوته في التلفزيون.
بس أنا مأيأستش. روحي كممرض طوارئ متعود على الأزمات ساعدتني أتحمل، بس المرة دي العلاج مكنش حقن وأدوية، العلاج كان صبر، وحب، وأمان مطلق.
قعدت معاها بالساعات، بنرسم، وبنلعب، وبنتكلم. كنت بمسك إيدها الصغيره وأعلمها إن الإيد دي اتخلقت عشان تطبطب وتحضن، مش عشان تضرب وتوجع. ومع كل
المشهد الثاني عشر
في يوم جمعة مشمس، كنا قاعدين في الجنينة العامة. هنا كانت بتجري وتلعب مع أطفال في سنها، بتضحك من قلبها بصوت عالي، وأنا قاعد من بعيد بمشهدها وعيني مليانة دموع الفرحة.
فجأة، جرت عليا وهي بتنهج، وفي إيدها وردة حمراء صغيرة قطفتها من الأرض. قعدت على ركبي عشان أكون في نفس مستواها، زي ما عملت بالظبط في ليلة الصدمة، بس المرة دي الملامح كانت مختلفة تماماً.
مدت إيدها بالوردة وقالتلي بابتسامة نورت وشها كله دي عشانك يا بابا حازم.. عشان أنت البطل بتاعي.
الكلمة هزت كياني.. بابا حازم. الكلمة اللي كنت فاكر إني عمري ما هسمعها، طلعت من بقها بكل عفوية وحب.
خدتها في حضني ورفعتها لفوق وأنا بضحك، وفي اللحظة دي حسيت إن كل التعب، وكل الخوف، والليالي الطويلة اللي عشناها في المحاكم والتحقيقات، كله هان وتلاشى.
بصيت للسما وقلت في سري شكراً يا رب.. لأنك حطيتني في طريقها، ولأنك رزقتني ببنت حقيقية من غير ما تكون من دمي.. بنت هعيش عمري كله أحميها وأشوفها بتكبر قدام عيني وهي مش خايفة من بكرة.
النهاية
مكان صباع إبهام.
العلامات كانت واضحة ومقصودة.
البصمة اللي مستحيل تغلط فيها العين إيد شخص بالغ،
