طردني والدي حكايات صافي هاني
كذبت على أبويا وقولتله إني سقطت في امتحان القبول، مع إن مجموعي كان 98 7. رد عليا بكلمتين اطلعي برة البيت. ما عيطتش، ولا اترجيت، لإني كنت عارفة ومأكدة إن البيت ده عمره ما كان بيت حقيقي.. ده كان مصيدة مستنية إمضتي.
شاشة الموبايل نورت وشي في الضلمة.
98 7.
من الأوائل.
أمي الله يرحمها كانت هتعيط من الفرحة والفخر بيا.
أبويا؟ لأ، مستحيل.
من الصالة كنت سامعة ضحكة سيليا مراته، وصوت آرثر ريد وهو متحمس.. الراجل اللي لسه عنده البجاحة يقول على نفسه أبويا.
كان بيقول ليلي هترفع راسنا بجد، البنت دي تستاهل حفلة كبيرة.
بنتي.. ده كلامه عن ليلي.
أما أنا؟ فكنت بالنسباله مجرد حِمل وتعب.
خدت نفس عميق، واتصلت برقمة، واستنيت.
رد عليا وصوته باين فيه الضيق
عايزة إيه يا ديان؟
النتيجة ظهرت.
سكت ثواني.
وإيه؟
بصيت لل 98 7 تاني، وقولت أكبر وأبرد كدبة في حياتي
ما نجحتش يا بابا.. سقطت.
على الناحية التانية، سمعت نفس قاسي ومخنوق، وبعدها جالي صوته ناشف ومن غير ولا نقطة حزن
أكلتك وشربتك وعلمتك وعيشتك تحت سقف بيتي.. وفي الآخر ده رد الجميل؟
ما ردتش.
جبتيلي العار وفضحتيني.
بلعت ريقي بصعوبة بابا..
ما ترجعيش هنا تاني، البيت ده ما لوش مكان للفاشلين اللي مالهومش عازة.
وقفل السكة في وشي.
بصيت للشاشة وهي ضلمة. ولا دموع.. ولا دموع خالص. لاني قبل أسبوعين، كنت معدية من جنب مكتبه وسمعت الحقيقة كلها. الباب كان موارب، وسيليا كانت بتتكلم بهدوء بس كلامها كله سم
ديان تمت ال 18 سنة يا آرثر، تقدر أخيراً تاخد البيت اللي أمها سابتهولها.
جسمي تِلم. بيت أمي. الحاجة الوحيدة اللي لحقت تحميها قبل ما تموت. بيت أثري وجميل في بروكلين هايتس. العقد كان باسمي، والتحكم الكامل بيتنقلي أول ما أتم 18 سنة.
وسيليا
أبويا اتنهد وقال بس الوصية صريحة.
وإيه يعني؟ دي عيلة وأنت أبوها.. خليها تمضي.
الدنيا سكتت، وبعدها قال الكلمة اللي قطعت آخر عرق حب جواه ليه
لما تسقط في الامتحان هطردها.. ساعتها هتعرف إنها ولا حاجة من غيري، ولما تتبهدل وتجوع، هرميلها كام دولار وتكتبلي وتتنازل عن كل اللي أنا عايزه.
سيليا ضحكت. أنا نفسي اتقطع. رجعت أوضتي وقفلت الباب وشغلت مسجل الصوت في موبايلي، وتاني يوم حطيت الموبايل ورا زرعة في مكتبه. سجلت كل حاجة.. خطتهم، وورق التنازل المزور، والضغط، والجوع، وإزاي أبويا كان بيخطط يكسرني عشان يسرق الحاجة الوحيدة اللي فاضلالي من أمي.
عشان كده كذبت.
وعشان كده سبته يطردني.
في الليلة دي، لميت هدومي في الشنطة من غير ما أعمل أي صوت. ما كانش عندي حاجات كتير.. تلاتة جينز، وتيشرتين، وورقي.. شهادة ميلادي، وبطاقتي، ونسخة من الوصية، وعلبة خشب صغيرة فيها صورة أمي.
في الصورة كانت واخداني في حضنها قدام بيت بروكلين، والورد مالي المكان وراها. كان عندي 6 سنين، وكانت لسه عايشة. حضنت الصورة لصدري. ومن الصالة، كانوا لسه بيضحكوا على مستقبل ليلي المنور.
يا للسخرية.
جريت الشنطة لحد الباب. وقبل ما أمشي، بصيت لآخر مرة على الطرقة اللي ياما وقفت فيها مستنية أبويا يحبني. ما حسيتش بحزن، حسيت بفوقان. لما هأرجع، مش هطلب إذن من حد.. أنا هأسترد كل حاجة بتاعتي.
طنط سوزان استقبلتني في نفس الليلة في شقتها في بارك سلوب. كانت صاحبة أمي الأنتيم.. الإنسانة الوحيدة الكبيرة اللي عمرها ما عاملتني على إني عبء. أول ما شافتني بالشنطة، ضحكتها اختفت.
طردك؟
هزيت راسي وسمعتها التسجيل. في نص الصوت، بدأت تعيط،
أمك اختارت راجل ندل، بس سابت وراها بنت بميت راجل بذكائها.
طنط سوزان، أنا محتاجة أختفي كام يوم.
أنتي قاعدة هنا معايا.
ومحتاجاكي كمان تلعبي معايا دور.
ما سألتش ولا سؤال، وقالتلي ببساطة قوليلي أقول إيه.
بعد أسبوع، أبويا عمل حفلة كبييييرة لليلي في قاعة رقص في مانهاتن. ورد، ومزيكا لايف، وويترز، وتصوير، ويافطة هبلة مكتوب عليها مبروك لطالبة الجامعة المستقبلية!.
ليلي يا دوب كانت ناجحة بالعافية، بس بالنسبة لآرثر، ده كان إنجاز.
طلع على المسرح والكاس في إيده، وصوته كله فخر
بنتي رفعت راسي.. ذكية، وملتزمة، وكأب مش قادر أطلب أكتر من كده.
الناس كلها صقفت.
كنت واقفة في آخر القاعة، لابسة أسود، وفي إيدي ظرف بني كبير. كان فيه 10 نسخ من نتيجتي 98 7، والتسجيل، والوصية، ورسالة أمي كانت شايلاها ومقفاها لليوم ده بالذات.
أبويا ما لمحنيش لسه، ولا حتى سيليا. وليلي كانت بتتبسم زي الملكات.
وفجأة موبايلي اتهز.. كان الأستاذ سانتوس، محامي أمي. رديت عليه وبصوت واطي
أستاذ سانتوس، أنا في القاعة.
صوته كان مخنوق وطالع بالعافية
ديان، اسمعيني كويس قوي.. إياكي تدخلي قاعة الرقص دي دلوقتي.
جسمي تِلم ليه؟
عشان أبوكي لسه واصل حالا عند المحامي والموثق، ومعاه بنت تانية وبتقول إنها أنتي!.
جسمي سقع في مكاني والدم هرب من عروقي. بصيت على الكوشة وعلى ليلي اللي واقفة بتضحك، وبعدين بصيت للظرف البني اللي في إيدي.
بنت تانية مين يا أستاذ سانتوس؟ صوتي طلع مرعوش بس مليان غضب.
مش عارف يا بنتي، بس شكلهم مجهزين كل حاجة.. البنت معاها بطاقة ميزورة باسمك، وأبوكي جايب اتنين شهود من طرفه عشان يوثق عقد البيع والتنازل النهائي عن البيت.. لو الورق ده اتمضى، البيت هيتباع قانونياً
خدت نفس طويل، ولقيت نفسي بهدى فجأة.. الهدوء اللي بيسبق العاصفة. الغضب اتحول لخط زجاجي حامي في دمي.
أستاذ سانتوس.. تقدر تماطل معاهم ربع ساعة بس؟ قوله السيستم واقع، أو إنك بتراجع توقيع والدتي الله يرحمها.. أي حاجة.
أقدر أعمل كده.. بس أنتي هتعملي إيه؟
أنا جاية حالاً.. بس مش لوحدي.
قفلت السكة وبصيت لطنط سوزان اللي كانت واقفة جنبي ومرقبانة بقلق. شاورتلها تطلع معايا برة القاعة بسرعة من غير ما حد يحس بينا. واحنا في الأسانسير، طلعت الموبايل وبعتّ رسالة واحدة للرقم اللي كنت مأجلة خطوته أستاذ فريد.. أنا محتاجة البلاغ يتقدم فورا باللي سجلته، هما في مكتب التوثيق في العنوان ده...
ركبنا تاكسي، والدقائق كانت بتمر كأنها سنين. طنط سوزان كانت ماسكة إيدي وبتدعي، وأنا عيني على الطريق.. مش هسيبهم ياخدوا شقى أمي، مش هسيبهم يسرقوا الحاجة الوحيدة اللي بتفكرني بريحتها.
وصلنا قدام المبنى. نزلنا وجرينا على الدور التاني. أول ما فتحت باب المكتب، شوفت المنظر أبويا واقف لابس بدلة شيك قوي، وسيليا جنبه على سنجة عشر، وقاعدة على الكرسي بنت في سنّي، صابغة شعرها ومكياجها صارخ، وماسكة القلم في إيدها ومستنية إشارة.
أول ما الباب اتفتح، أبويا لف وبصلي.. وشه قلب ألوان، والصدمة شلته مكانة. سيليا حطت إيدها على بوقها ورجعت خطوة لورا.
ديان؟! أبويا نطق اسمي كأنه شاف شبح.
دخلت بكبرياء وثقة عمري ما حسيت بيهم وأنا عايشة تحت سقف بيته. طنط سوزان دخلت ورايا وقفت زي السد.
بصيت للبنت اللي قاعدة وبكل برود قولت لها قومي من على الكرسي ده يا شاطرة.. عشان التزوير والبلطجة دي عقوبتها السجن، والبوليس على وصول.
البنت اتخضت وقامت وقفت بسرعة واستخبت ورا سيليا.
أبويا
